دانیال 2:48 - هُدائے پاکێن کتاب، بلۆچی زبانا

⁴⁸ پدا بادشاها دانیال مسترێن اُگدهے و بازێن تهپه و ٹێکیے دات، بابِلئے دَمگئے هُکمرانی‌ای سَرجما هماییئے دستا دات و بابِلئے سجّهێن دانایانی سرمستری کرت.

دانیال 2:48 Кръстосани препратки

دانیال 2:6

بله اگن شما وابا بگوَشێت و مانا بکنێت، شمارا چه منی نێمگا ٹێکی و تهپه، مُزّ و مزنێن شرپ و اِزّتے رسیت. پمێشکا منا منی واب و وابئے مانایا بگوَشێت.“

دانیال 3:1

بادشاه نِبوکَدنِزَرا سی گَز بُرز و سئے گَز پْراهێن تلاهێن بُتے اَڈّ کناێنت و بابِلئے دَمگا، دورَهئے دَشتا مِکّ کناێنت.

دانیال 3:12

بله او بادشاه! لهتێن یَهودی هست: شَدرَک، میشَک و اَبِدنِگۆ، هما که تئو بابِلئے دَمگئے سرکاری کارانی اُگده داتگ‌اَنت، آیان تئیی هُکم نمَنِّتگ. اے مردم نه تئیی هُدایانی هِزمتا کننت و نه تئیی مِکّ کناێنتگێن تلاهێن بُتا سجدهَ کننت.“

دانیال 3:30

پدا بادشاها شَدرَک، میشَک و اَبِدنِگۆ، بابِلئے دَمگا مسترێن اُگده داتنت.

دانیال 4:6

گڑا من هُکم دات که بابِلئے سجّهێن دانا آرگ ببنت تانکه منی وابا مانا بکننت.

دانیال 4:9

”او بِلْتِشازَر، نجومیانی مستر! منَ زانان که ترا پاکێن هُدایانی روه مان اِنت و هچّ رازئے زانگ په تئو گران نه‌اِنت. اے منی واب اِنت که من دیستگ، نون په من مانایی کن.

دانیال 5:11

تئیی بادشاهیا مردے هست که آییا پاکێن هُدایانی روه مان اِنت و تئیی پیرُکئے دئورا گِندَگ بوتگ که آییا باتنی رُژنایی، سَرپدی و هکمت و هُدایانی ڈئولێن داناییے گۆن. تئیی بادشاهێن پیرُک، نِبوکَدنِزَرا اے مَرد جادوگر، ساهر، نجومی و اِستارزانتانی مستر کرتگ‌اَت،

دانیال 5:16

بله من تئیی بارئوا اِشکتگ که تئو مانا کرتَ کنئے و جیڑهانی گیشّ و گیوارا بلد ائے. اگن تئو اے نبشتها وانت و مانا کرت بکنئے، ترا جَمورنگێن گُد و تلاهێن هارے گْوَرا دئیگَ بیت و تئو، بادشاهیئے سئیمی هُکمران کنگَ بئے.“

دانیال 5:29

گڑا بِلشازَرا هُکم دات و دانیالِش جَمورنگێن گُد و تلاهێن هارے گوَرا دات و دانیال، بادشاهیئے سئیمی هُکمران جۆڑ کنگ بوت.

دانیال 5:7

بادشاها کُوکّار کرت و هُکم دات که ساهر، نجومی و اِستارزانتان بیارێت. گۆن بابِلئے دانایان گوَشتی: ”هما کَس که اے نبشتها بوانیت و مانا بکنت، آ جَمورنگێن گُد و تلاهێن هارے گْورا دئیگَ بیت و بادشاهیئے سئیمی هُکمران کنگَ بیت.“

دانیال 8:27

گڑا منِ دانیالا، سکّ دَم بُرتگ‌اَت و تان چیزّے رۆچا نادراه بوتان. رندا پدا پاد آتکان و بادشاهئے کاران دَزگٹّ بوتان بله منا شُبێنا هئیران کرتگ‌اَت و چه سرپدیئے هَدّا در اَت.