دانیال 2:45 - هُدائے پاکێن کتاب، بلۆچی زبانا

⁴⁵ اَنچُش که تئو دیست، سِنگ چه کۆهێا سِندگ بوت، مردمی دستێا نَسِست، و آسن، بْرنج، گِل، نُگره و تلاهی هورت کرتنت. او بادشاه! مزنێن هُدایا په تئو پدّر کرتگ که دێمتِرا چے بیت. پمێشکا واب راست اِنت و اِشیئے مانا هم پَکّا اِنت.“

دانیال 2:45 Кръстосани препратки

پێدایش 41:26

هپتێن شَرّێن گۆک هپت سال اَنت و دانئے هپتێن شَرّێن هۆشگ هم هپت سال اَنت. دوێن واب یکّ اَنت.

پێدایش 41:28

من گۆن تئوِ پِرئونا گوَشت، هما کار که هُدا دێمترا کنتی، په تئوِ پِرئونا پدّری کرتگ.

پێدایش 41:32

اے واب پمێشکا تئوِ پِرئونئے سرا دو رندا آتکگ که هُدایا پَکّاییا پئیسله کرتگ و هُدا اے کارا همے زوتّانَ کنت.

زَبور 135:5

منَ زانان که هُداوند مزن اِنت، که مئے هُداوند چه سجّهێن هُدایان مستر اِنت.

زَبور 145:3

هُداوند مزن اِنت و ستائے باز لاهک، کَسّ آییئے مزنیا کَدّ و کِساس کرتَ نکنت.

زَبور 2:9

گۆن آسنێن اَساے آیان پرۆشَ دئیئے و کونزگانی پئیما هورت هورتِشَ کنئے.“

زَبور 48:1

هُداوند مزن و ستائے باز لاهک اِنت، مئے هُدائے شهرئے تها. آییئے پاکێن کۆه،

زَبور 96:4

که هُداوند مزَن اِنت و ستایانی لاهک، چه سجّهێن ”هُدایان“ باکَمالتر اِنت.

دانیال 2:24

رندا دانیال، آریوکئے کرّا شت، هماییئے کِرّا که بادشاها بابِلئے دانایانی کُشگئے هُکم داتگ‌اَت. گۆن آییا گوَشتی: ”بابِلئے دانایان مَکُش. منا بادشاهئے کِرّا بر. من آییئے وابا مانا کنان.“

دانیال 2:28

بله آسمانا هُداے هست که رازان پدّرَ کنت و هماییا په تئوِ بادشاه نِبوکَدنِزَرا زاهِر کرتگ که آیۆکێن رۆچان چے بیت. اے تئیی واب اِنت و هما شُبێن اَنت که وهدے تئو وتی نپادئے سرا تچک اَتئے، تئیی سرئے تها چکرّگا اَتنت.

دانیال 2:29

او بادشاه! نپادئے سرا تئیی هئیال آیۆکێن وهدئے نێمگا شتنت که بارێن چے بئیگی اِنت. هما که رازان پدّرَ کنت، ترا پێشی داشت که آیۆکێن وهدا چے بیت.

دانیال 2:44

آ بادشاهانی وهدا، آسمانی هُدا دگه بادشاهیے اڈَّ کنت که هچبر تباهَ نبیت و دگه کئومێئے دستا هم دئیگَ نبیت. اے بادشاهی، آ دگه سجّهێن بادشاهیانَ پرۆشیت و هلاسَ کنت، بله وت تان اَبد برجمَ مانیت.

دانیال 8:25

په هۆشمندی پندلَ سازیت و کامیابَ بیت. وتی دلا وتا مزن سرپدَ بیت. بازێنے سهیگ هم نبیت و اێمنیا نِشتگێن جاگها تباهِشَ کنت. اے، شهزادگانی شهزادگئے هلاپا هم پادَ کئیت بله جِندی بے انسانی دستێا تباه کنگَ بیت.

مَتّا 21:24

ایسّایا پَسّئو دات و گوَشتی: ”منا هم چه شما جُستے هست، اگن منی جُستئے پَسّئوا بدئیێت، گڑا شمارا گوَشان که گۆن کجام هَکّ و اِهتیارا اے کارانَ کنان.

مَتّا 24:35

زمین و آسمان گارَ بنت، بله منی هبر هچبر گار و زیانَ نبنت.

لوکا 17:20

یکّ رۆچے، لهتێن پَریسیا چه ایسّایا جُست کرت: ”هُدائے بادشاهی کدێنَ کئیت؟“ ایسّایا گوَشت: ”هُدائے بادشاهی چَمزاهرا گِندگَ نبیت.

اِلهام 1:19

پمێشکا هرچے که تئو دیست، هرچے که انّون بئیگا اِنت و هرچے که دێمترا بیت، نبشتهِش کن.

اِلهام 19:17

پدا من دیست که پرێشتگے رۆچئے تها اۆشتاتگ. گۆن بُرزێن تئوارێا سجّهێن مُرگانی نێمگا کوکّاری کرت که آسمانئے نیاما بال اَتنت: ”بیاێت و په هُدائے مزنێن شاما مُچّ ببێت،

اِلهام 4:1

چه اِشان و رند من چارت تَه آسمانا دروازگے پَچ اِنت و هما کَرنائے ڈئولێن تئوار که من پێسرا اِشکتگ‌اَت گۆن من هبرا اِنت. گوَشگا اَت: ”اِدا بُرزاد بیا که من ترا پێشَ داران چه اے چیزّان و رند اَلّما چے بئیگی اِنت.“