دانیال 2:40 - هُدائے پاکێن کتاب، بلۆچی زبانا

⁴⁰ پدا چارمی بادشاهیے کئیت که چۆ آسنا مُهر و مهکمَ بیت، چێا که آسن سجّهێن چیزّانَ پرۆشیت و شِنگ و شانگَ کنت. اَنچُش که آسن سجّهێن چیزّانَ پرۆشیت، اے بادشاهی هم، اے سجّهێن مُلکانَ پرۆشیت و ٹکّر ٹکّرَ کنت.

دانیال 2:40 Кръстосани препратки

دانیال 2:33

ڈیلّنگ آسِن، پادانی نێم آسِن و نێم پَتکگێن گِلئیگ اَتنت.

دانیال 2:39

چه ترا پد، دگه بادشاهیے کئیت که چه تئییگا کمزۆرتِرَ بیت. پدا سئیمی، بْرنجێن بادشاهیے کئیت که سجّهێن زمینئے سرا هُکمرانیَ کنت.

دانیال 2:41

اے پاد و پادانی لنکک که نێما پتکگێن گِل و نێما آسِنئیگ اَتنت و تئو دیستنت، اے بهر و بانگێن بادشاهیے بیت، بله اِشیئے تها آسِنئے مُهری مانَ بیت چێا که تئو آسِن گۆن پتکگێن گِلا هئوار دیست.

دانیال 7:7

اِشیا پد، من اَنگت شپئے اِلهام و شُبێنان گِندَگا اَتان و چارمی جانوَرُن دیست. اے تُرسناک، هئیبتناک و سکّ زۆرمند اَت. اِشیا دراجێن آسنێن دنتان پِر اَت. وتی شکاری پرۆشت و اێر بُرت و سَرارۆکی پادانی چێرا لپاشتنت. چه آ پێسریگێن سجّهێن جانوَران جتا اَت و دَه کانٹی پِر اَت.

دانیال 8:24

اے، سکّ زۆرمندَ بیت بله چه وتی جندئے واکا نه. سکّێن بلاهێن تباهیَ کاریت و هرچے که کنت، کامیابَ بیت. اے، زۆراوَر و پاکێن مردمان تباهَ کنت.

دانیال 9:26

رَندا، شست و دو هپتگا پد، هما ’رۆگن پِر مُشتگێن‘ کُشگَ بیت و آییئے کِرّا هچّ پَشتَ نکپیت. آیۆکێن هُکمرانئے مردم شهر و مزنێن پرستشگاها تباهَ کننت، بله آییئے جِندئے تباهی چۆ هارێا کئیت. جنْگ تان گُڈسرا برجاهَ مانیت و تباهیانی شئور بُرّگ بوتگ.

یوهَنّا 11:48

اگن اِشیا همے ڈئولا یله بدئیێن، سجّهێن مردم اِشیئے سرا ایمانَ کارنت و رومیَ کاینت و مئے مزنێن پرستشگاه و کئوما چه مئے دستا پچَ گِرَنت.“