دانیال 11:5 - هُدائے پاکێن کتاب، بلۆچی زبانا

⁵ پدا جنوبئے بادشاه زۆرمندَ بیت، بله آییئے یکّ سالارے چه آییئے جندا هم زۆرمندتِرَ بیت و گۆن مزنێن واکێا شمالا مُلکے اَڈَّ کنت و وتی مُلکا هُکمرانیَ کنت.

دانیال 11:5 Кръстосани препратки

دانیال 11:11

جنوبئے بادشاه هِژمَ گیپت، شمالئے بادشاهئے دێما درَ کئیت و گۆن آییا جنْگَ کنت. نون شمالئے بادشاه بلاهێن پئوجے یکجاهَ کنت، بله اے پئوج، جنوبئے بادشاهئے دستا پرۆشَ وارت.

دانیال 11:14

آ زمانگا بازێنے جنوبئے بادشاهئے دژمنیا پادَ کئیت. تئیی جندئے کئومئے شِدّتیێن مردم اے شُبێنئے پوره و سَرجم کنگا پادَ کاینت بله پرۆشَ ورنت.

دانیال 11:25

مزنێن و سکّێن پُرزۆرێن پئوجے زوریت و په جنوبئے بادشاهئے پرۆش دئیگا وتی زۆر و تئوکلا شۆرێنیت. جنوبئے بادشاه هم بلاهێن و پُرزۆرێن پئوجے زوریت و جنْگَ کنت بله اۆشتاتَ نکنت که آییئے هلاپا پندل سازگَ بنت.

دانیال 11:40

پدا هلاسیئے وهدا، جنوبئے بادشاه آییئے سرا اُرُشَ کنت و شمالئے بادشاه جنوبئے بادشاهئے سرا توپّانێئے ڈئولا گۆن اَرّابه، اَسپ‌تاچ و بازێن لانچێا مانَ رچیت. بازێن مُلکێئے سرا اُرُشَ کنت و چه اۆدا چۆ توپّانێا گوَزیت.