دانیال 11:20 - هُدائے پاکێن کتاب، بلۆچی زبانا

²⁰ پدا آییئے جاگها دگه یکّے کئیت و سُنگ و مالیاتگیرے رئوانَ دنت تانکه وتی مُلکئے شان و شئوکتا برجم بداریت، بله لهتێن رۆچا رند اے بادشاه، بے جنْگ و شِدّتێا، وَت بربادَ بیت.

دانیال 11:20 Кръстосани препратки

دانیال 11:21

اِشیئے جاگها اَنچێن بَژّناکێن مردمے کئیت که آییا هچّ پئیمێن بادشاهی شرپ دئیگ نبوتگ‌اَت. اے په آرامیَ کئیت و په رِپک و پندلے بادشاهیا گیپت.

دانیال 11:7

چه جنِکئے هاندانا کَسے پادَ کئیت و جنوبئے بادشاهئے جاگها گیپت. آ، شمالئے بادشاهئے پئوجئے سرا اُرُشَ کنت و آییئے کلاتا پُتریت. آیانی هلاپا جنگَ کنت و سۆبێنَ بیت.