دانیال 11:15 - هُدائے پاکێن کتاب، بلۆچی زبانا

¹⁵ پدا شمالئے بادشاهَ کئیت، کَلات‌بندێن شهرێئے چپّ و چاگردا سنگَرَ بندیت و شهرا گیپت. جنوبی پئوج بێوسَ بیت. تنتنا آیانی شَرترێن پئوج هم اِشانی دێما اۆشتاتَ نکننت.

دانیال 11:15 Кръстосани препратки

دانیال 11:14

آ زمانگا بازێنے جنوبئے بادشاهئے دژمنیا پادَ کئیت. تئیی جندئے کئومئے شِدّتیێن مردم اے شُبێنئے پوره و سَرجم کنگا پادَ کاینت بله پرۆشَ ورنت.

دانیال 11:6

لهتێن سالا پد اَهد و کَرارے بندنت. جنوبئے بادشاهئے جنِک شمالئے بادشاهئے کِرّا په اَهد و کَرار بندگا رئوت. بله جنِکئے زۆر و کدرت پشتَ نکپیت و شمالئے بادشاهئے زۆر هم نمانیت. آ رۆچان، بادشاهئے جنِک گۆن وتی همراهان، وتی پتا و کُمَک‌کارا هئوار درۆهگ و دژمنانی دَستا دئیگَ بیت.

دانیال 8:7

من دیست که آ، دێم په گوَرانڈا پێداک اِنت. سکّ هِژم گپتگ. پاچِنا گوَرانڈ جَت و دوێن کانٹی پرۆشتنت. گوَرانڈا آییئے دێما هچّ زۆر مان نێست‌اَت. زمینئے سرا دئوری دات و پادمالی کرت. کسّ نێست‌اَت که گوَرانڈا چه آییئے زۆرا برَکّێنیت.