دانیال 1:5 - هُدائے پاکێن کتاب، بلۆچی زبانا

⁵ بادشاها اِشانی هر رۆچیگێن وراک و شراب چه وتی جندئے وراک و شرابا گچێن کرت و هُکمی دات که تان سئے سالا اِشان شَرّ بوانێنێت و زانتکار کنێت و پدا منی هِزمتا بۆشتارێنێت.

دانیال 1:5 Кръстосани препратки

پێدایش 41:46

وهدے ایسُّپا مِسرئے بادشاه پِرئونئے هِزمت بندات کرت، اُمری سی سال اَت. ایسُّپ چه پِرئونئے دربارا پاد آتک و سجّهێن مِسرا گَشت.

دانیال 1:19

وهدے بادشاها گۆن آیان گپّ و تْران کرت، دیستی که دگه کَس دانیال، هَنانیا، میشاێل و اَزَریائے پئیما نه‌اِنت. گڑا اے چارێن بادشاهئے جندئے هِزمتا دارگ بوتنت.

دانیال 1:8

دانیالا اِراده کرت که من وتا گۆن شاهی وراک و شرابان پلیتَ نکنان. گڑا آییا گۆن دربارئے کارمسترا دزبندی کرت که اگن تئو رَزا دئیئے، من اے وراکانَ نئوَران و وتا پلیتَ نکنان.

مَتّا 6:11

مئے مرۆچیگێن رِزک و رۆزیگا مرۆچی مارا بدئے.

لوکا 1:19

پرێشتگا پَسّئو دات: ”من جِبراییل آن و هُدائے بارگاها اۆشتۆک آن. انّون رئوان دئیگ بوتگان، گۆن تئو هبر بکنان و ترا اے مِستاگا بدئیان.

لوکا 11:3

مئے هر رۆچیگێن رِزک و رۆزیگا هر رۆچ مارا بدئے.

لوکا 21:36

پمێشکا هروهد هُژّار بێت و دْوا بکنێت، تان شمارا آ رۆچا که چُشَ بیت و اے جاور په سرَ رسنت در رئوگئے واک ببیت و انسانئے چُکّئے بارگاها اۆشتات بکنێت.“