دانیال 1:19 - هُدائے پاکێن کتاب، بلۆچی زبانا

¹⁹ وهدے بادشاها گۆن آیان گپّ و تْران کرت، دیستی که دگه کَس دانیال، هَنانیا، میشاێل و اَزَریائے پئیما نه‌اِنت. گڑا اے چارێن بادشاهئے جندئے هِزمتا دارگ بوتنت.

دانیال 1:19 Кръстосани препратки

پێدایش 41:46

وهدے ایسُّپا مِسرئے بادشاه پِرئونئے هِزمت بندات کرت، اُمری سی سال اَت. ایسُّپ چه پِرئونئے دربارا پاد آتک و سجّهێن مِسرا گَشت.

دانیال 1:18

گڑا بادشاه نِبوکَدنِزَّرئے گیشّێنتگێن سئیێن سال که سَرجم بوتنت، دربارئے کارمسترا اے سجّهێن وَرنا آورت و بادشاهئے بارگاها پێش کرتنت.

دانیال 1:4

اَنچێن وَرنا که هچّ پئیمێن بدَنی ائیبِش مان مبیت و رنگا ڈئولدار ببنت، هر ڈئولێن هکمتا بلَد بئیگئے لاهک، زانتکار و زوت‌پَهم ببنت و بادشاهئے بارگاها اۆشتگا بِکَرزنت. پدا اے وَرنایان بابِلئے اَرَمایی زبان و لبزانکا بوانێن.

دانیال 1:5

بادشاها اِشانی هر رۆچیگێن وراک و شراب چه وتی جندئے وراک و شرابا گچێن کرت و هُکمی دات که تان سئے سالا اِشان شَرّ بوانێنێت و زانتکار کنێت و پدا منی هِزمتا بۆشتارێنێت.

دانیال 1:6

اِشانی نیاما چه یَهودایا آورتگێن دانیال، هَنانیا، میشاێل و اَزَریا هئوار اَتنت.

دانیال 1:7

دربارئے کارمَستِرا آیانا نۆکێن نام پِر کرت. دانیالئے نامی بِلتِشازَر، هَنانیائے شَدرَک، میشاێلئے میشَک و اَزَریائے اَبِدنِگۆ کرت.

دانیال 2:13

گڑا پرمانے دئیگ بوت که دانا کُشگ ببنت. دانیال و آییئے سنگتانی شۆهازا هم در کپتنت که بکُشَنتِش.

دانیال 3:29

پمێشکا من هُکمَ دئیان که هرکَس ببیت، چه هر کئوم، راج و زُبانا که شَدرَک، میشَک و اَبِدنِگۆئے هُدائے بارئوا هرابێن هبرے بکنت، آ ٹُکّر ٹُکّر کنگَ بیت و آییئے لۆگ برباد کنگ و هاکۆٹے جۆڑ کنگَ بیت. چێا که دگه هچّ هُداے نێست که چُش رَکّێنت بکنت.“