کاسِدانی کار 9:11 - هُدائے پاکێن کتاب، بلۆچی زبانا

¹¹ هُداوندا گوَشت: ”پاد آ، هما دَمْک و کوچها برئو که آییا ’تچکێن دَمْکَ‘ گوَشنت. اۆدا یَهودائے لۆگا برئو و شاوول تَرْسوسیا شۆهاز کن، که آ دْوا کنگا اِنت.

کاسِدانی کار 9:11 Кръстосани препратки

زَبور 50:15

سکّی و سۆریانی رۆچا منا بلۆٹ، من ترا نجاتَ دئیان و تئو منا شان و شئوکتَ دئیئے.“

یوهَنّا 4:10

ایسّایا آییئے پَسّئوا گوَشت: ”اگن تئو بزانتێن که هُدائے داد و بَکشش چێے و اے کئے اِنت که چه تئو آپَ لۆٹیت، گڑا اَلّما تئو گۆن آییا دَزبندی کرتگ‌اَت که منا آپ بدئے و آییا ترا زنداپ داتگ‌اَت.“

کاسِدانی کار 11:13

آییا مارا هال دات که چِه پئیما پرێشتگے وتی لۆگا دیستگی. پرێشتگا گوَشتگ: ’وتی مردمان یاپایا رئوان کن و شَمونا بلۆٹ و بیار که پِتْرُس هم گوَشنتی.

کاسِدانی کار 11:25

بارنابا، شاوولئے شۆهازا تَرْسوسا شت.

کاسِدانی کار 2:21

آ رۆچا، هرکَس هُداوندئے ناما بگیپت، رَکّیت.“‘

کاسِدانی کار 21:39

پولُسا دَرّاێنت: ”اِنّه، من یَهودیے آن و کیلیکیَهئے دَمگئے نامیێن شهر تَرْسوسئے مردمے آن. منا بِلّ که گۆن اے مردمانی مُچّیا کمّے هبر بکنان.“

کاسِدانی کار 22:3

”من یَهودیے آن و منی پێدائِشئے جاگه، کیلیکیَهئے دَمگا، تَرْسوسئے شهر اِنت، بله منی رُست و رُدۆم همِدا اورشَلیما بوتگ. گامالیَل منی استاد بوتگ و مئے پت و پیرُکانی سَرجمێن شَریَت من چه هماییا در برتگ. په هُدا و آییئے رَزایا باز واهگدار و هُدۆناک بوتگان، اَنچُش که مرۆچی شما هُدۆناک اێت.

کاسِدانی کار 8:22

چه وتی اے بدکاریا تئوبه کن و چه هُداوندا دْوا بلۆٹ، بلکێن هُدا تئیی دلئے اے سِلّێن هئیالا ببَکشیت.

کاسِدانی کار 8:26

هُداوندئے پرێشتگێا گۆن پیلیپُسا گوَشت: ”پاد آ، جنوبئے نێمگا گیابانئے هما راها بگر و برئو که چه اورشَلیما دێم په گَزَّها رئوت.“

کاسِدانی کار 9:30

وهدے باوَرمندێن برات چه اے پَندلا سهیگ بوتنت، شاوولِش کئیسَریَها برت و چه اۆدا دێم په تَرْسوسا راه دات.