کاسِدانی کار 9:10 - هُدائے پاکێن کتاب، بلۆچی زبانا

¹⁰ دَمِشْکئے شهرا، هَنّانیا نامێن مریدے جَهمنند اَت. شُبێن و اِلهامێا، هُداوند په آییا زاهر بوت و گوَشتی: ”او هَنّانیا!“ آییا جواب تَرّێنت: ”جی، منی واجه!“

کاسِدانی کار 9:10 Кръстосани препратки

پێدایش 14:15

شپئے وهدا آییا وتی همراه ٹۆلی ٹۆلیا بهر کرتنت و دژمنئے سرا اُرُشی کرت و پرۆشی داتنت و تان هوبَها، که دَمِشکئے شمالا اِنت، آیانی رندا کپت.

پێدایش 22:1

اے چیزّان و رند، هُدایا اِبراهێم چَکّاسِت. گۆن اِبراهێما گوَشتی: ”اِبراهێم!“ اِبراهێما پَسّئو دات: ”جی!“

پێدایش 31:11

گڑا هُدائے پرێشتگا وابئے تها منا گوَشت: ’آکوب!‘ من گوَشت: ’جی.‘

دَرگوَز 3:4

هُداوندا دیست که موسّا اے نِدارگئے چارگا پێداک اِنت. هُدایا چه ڈۆلُکئے تها گْوانک جت: ”موسّا، او موسّا!“ موسّایا پَسّئو دات: ”جی!“

دانیال 2:19

گڑا هما شپا اے راز په دانیالا، شُبێنێا پدّر کنگ بوت. نون دانیالا آسمانی هُدائے ستا کرت.

کاسِدانی کار 10:3

یکّ رۆچے نێمرۆچا رَند، کِساس ساهت سئیا، هُدائے پرێشتگے په شُبێن و اِلهامی دیست که نزّیکّ آتک و گوَشتی: ”او کُرنیلیوس!“

کاسِدانی کار 11:5

”من یاپائے شهرا دْوا کنگا اَتان، منا شُبینگ بوت و گۆن اِلهامے دیستُن که چه آسمانا مزنێن پَرزۆنَگ‌پئیمێن چیزّے چه هر چارێن لَمبان اێر آیانا دێم په من پێداک اِنت.

کاسِدانی کار 12:9

پِتْرُسا پرێشتگئے رَند گپت و ڈنّا در آتک، بله سری پِر نبوت که په راستی اَنچُش بئیگا اِنت، هئیالی کرت بلکێن شُبێنے.

کاسِدانی کار 16:10

چه اے شُبێنا رَند، ما په مَکْدونیَهئے رسگا اشتاپ کرت، چێا که چه اے شُبێنا دلجم بوتێن، هُدائے رَزا همِش اِنت که ما برئوێن و وشّێن مِستاگا اۆدئے مردمانی نیاما شِنگ و تالان بکنێن.

کاسِدانی کار 16:9

همۆدا شپا پولُسا یکّ مَکْدونی مردے په شُبێن دیست که اۆشتاتگ‌اَت و مِنَّت کنان اَت که ”دریایا بگوازێن، مَکْدونیَها بیا و مارا کُمکّ کن.“

کاسِدانی کار 18:9

یکّ شپے، هُداوندێن ایسّا، پولُسئے شُبێنا آتک و گوَشتی: ”متُرس، منی مِستاگا شِنگ و تالان کنان کن. بێتئوار مبئے.

کاسِدانی کار 2:17

’هُدا گوَشیت: ”گُڈّی رۆچان، سجّهێن مردمان چه وتی روها سررێچَ کنان. شمئے جنکّ و بچکّ پئیگمبریَ کننت، شمئے وَرنا اِلهامَ گرنت و پیرێن، وابَ گِندنت.

کاسِدانی کار 22:12

اۆدا هَنّانیا نامێن یکّ مردے اَت که هُدادۆست و شَریَتئے پابند اَت و سجّهێن جَهمنندێن یَهودیانی نیاما وشنامێن مردے اَت.

کاسِدانی کار 9:12

شاوولا وتی شُبێنا دیستگ که هَنّانیا نامێن مردے کئیت، آییا دست پِرَ مُشیت که پدا بگندیت.“

کاسِدانی کار 9:9

تان سئے رۆچا کۆر بوت، نه آپی وارت و نه وراک.

په گَلاتیان پولُسئے کاگد 1:17

دێم په اورشلیما په هما مردمانی گندگا نشُتان که چه من پێسر په کاسدیا گچێن کنگ بوتگ‌اَتنت. اَرَبستانا شتان و رندا دَمِشکا واترّ بوتان.