کاسِدانی کار 7:30 - هُدائے پاکێن کتاب، بلۆچی زبانا

³⁰ چِلّ سالا رَند، سینائے کۆهئے گیابانا، پرێشتگے بُن گپتگێن ڈۆلُکێئے آسئے شهمانی تها په موسّایا پَدّر بوت.

کاسِدانی کار 7:30 Кръстосани препратки

زَبور 66:12

چه تئیی رزایا مردمان مارا سَرجمیا لگتمال کرتگ، چه آپ و آسا گوَستگێن، بله مارا سرسبزێن جاهێا آورتگِت.

دَرگوَز 3:6

هُدایا پدا گوَشت: ”من تئیی پتئے هُدا آن، اِبراهێمئے هُدا، اِساکئے هُدا و آکوبئے هُدا آن.“ موسّایا هُدائے چارگ تُرست و وتی دێمی گِپت.

دَرگوَز 7:7

اے وهدا که آیان گۆن پِرئونا هبر کرت، موسّائے اُمر هشتاد سال اَت و هارونئے هشتاد و سئے.

دانیال 3:27

والی، هاکم، سردار و بادشاهئے سَلاهکار مُچّ بوتنت و دیستِش که آسا اے مردمانی بدن اینچُکا هم نگپتگ‌اَت، نه آیانی سرئے مودے پیلُّشتگ‌اَت و نه آیانی گُدانی رَنگ بدل بوتگ‌اَت. آسئے بۆا هم کنگا نه‌اتنت.

مَرکاس 12:26

مُردگانی پدا زندگ بئیگ و جاه جنَگئے بارئوا، زانا شما موسّائے کتابا بُن گپتگێن ڈۆلُکئے کِسّه نئوانتگ، که هُدایا گۆن موسّایا چۆن هبر کرت؟ ’من آن، اِبراهێمئے هُدا، اِساکئے هُدا و آکوبئے هُدا.‘

لوکا 20:37

بله مُردگانی زندگ بئیگئے هبرئے راستی، موسّایا مان بُن گپتگێن ڈۆلُکئے کِسّها پێش داشتگ. اۆدا موسّا هُداوندێن هُدایا، اِبراهێمئے هُدا، اِساکئے هُدا و آکوبئے هُدا گوَشیت.

کاسِدانی کار 7:17

وهدے گۆن اِبراهێما، هُدائے داتگێن کئولئے سَرجم بئیگئے وهد نزّیکّ بوت، مِسرا مئے مردم باز گێشتر بوتنت.

کاسِدانی کار 7:31

چه اے ندارگئے گِندگا، موسّا هئیران و هَبَکّه مَنت. وهدے په اِشیئے گێشتر چارگا نزّیکتر شت، هُداوندئے تئواری اے ڈئولا اِشکت:

کاسِدانی کار 7:32

’من تئیی پت و پیرُک اِبراهێم، اِساک و آکوبئے هُدا آن.‘ موسّا چه تُرسا لَرزگا لگّت و آییا تَهم و جُریت نکرت آ نێمگا بچاریت.

کاسِدانی کار 7:35

اِسراییلیان موسّا نمَنّتگ‌اَت و گوَشتگ‌اَتِش: ’ترا کئیا مئے سرا هاکم و کازی کرتگ؟‘ نون هُدایا هما موسّا بُن گپتگێن ڈۆلُکئے بُنا پرێشتگے پێش داشت. اے ڈئولا، آیانی هاکم و رَکّێنۆک کرت و مِسرا راهی دات.

په گَلاتیان پولُسئے کاگد 4:25

مسالئے هبرا، هاجِر سینائے کۆه اِنت، هما کۆه که اَرَبِستانا اِنت و انّوگێن اورشلیمئے ڈئولا اِنت، چێا که آییئے جند و آییئے چُکّ گُلامێن زِندے گوازێنگا اَنت،