کاسِدانی کار 5:34 - هُدائے پاکێن کتاب، بلۆچی زبانا

³⁴ بله گامالیال نامێن پَریسیے که شَریَتئے استاد و سرۆکانی دیوانئے باسک و سجّهێن مردمانی چمّان شرپدارێن مردے اَت، دیوانا پاد آتک و هُکمی کرت: ”اے مردان یکّ دمانے ڈنّا ببرێت.“

کاسِدانی کار 5:34 Кръстосани препратки

زَبور 76:10

په انسانا تئیی هِژم هم تئیی سَتائے سئوَبَ بیت و پَشت کپتگێن هِژما تئو وتی لانکا بندئے.

لوکا 2:46

سئیمی رۆچا، آیان ایسّا مزنێن پرستشگاهئے پێشگاها در گێتک که اۆدا آ، شَریَتئے زانۆگرانی نیاما نِشتگ‌اَت، آیانی هبران گۆش دارگا اَت و چه آیان جُست و پُرس کنگا اَت.

لوکا 5:17

یکّ رۆچے، ایسّا درس و سَبکّ دئیگا اَت. لهتێن پَریسی و شَریَتئے استاد، که چه جَلیل و یَهودیَهئے سجّهێن مێتگان و چه اورشَلیما آتکگ‌اَت، همۆدا نِشتگ‌اَتنت. په نادْراهانی دْراه کنگا، هُداوندئے زۆر و توان گۆن ایسّایا گۆن اَت.

یوهَنّا 3:10

ایسّایا گوَشت: ”تئو وت اِسراییلیانی استادے ائے، اے چیزّا نزانئے؟

کاسِدانی کار 22:3

”من یَهودیے آن و منی پێدائِشئے جاگه، کیلیکیَهئے دَمگا، تَرْسوسئے شهر اِنت، بله منی رُست و رُدۆم همِدا اورشَلیما بوتگ. گامالیَل منی استاد بوتگ و مئے پت و پیرُکانی سَرجمێن شَریَت من چه هماییا در برتگ. په هُدا و آییئے رَزایا باز واهگدار و هُدۆناک بوتگان، اَنچُش که مرۆچی شما هُدۆناک اێت.

کاسِدانی کار 4:15

پمێشکا آاِش چه هَکدیوانا ڈنّ رئوگئے هُکم دات و وت په شئور و سَلاها نِشتنت.

کاسِدانی کار 5:21

گڑا، هما دابا که آیانا گوَشگ بوتگ‌اَت، بامگواها پرستشگاها شتنت و مردمانی سَبکّ دئیگا لگّتنت. وهدے مسترێن دینی پێشوا و آییئے همراه آتکنت، سرۆکانی دیوانئے باسک و اِسراییلئے سجّهێن کماشِش لۆٹتنت و دگه لهتێن مردمِش رئوان دات تان کاسِدان چه جێلا بیارنت.

کاسِدانی کار 5:27

کاسِدِش آورت و سرۆکانی دیوانئے دێما اۆشتارێنتنت. نون مسترێن دینی پێشوایا چه آیان جُست گپت:

کاسِدانی کار 5:35

گڑا گوَشتی: ”او اِسراییلیان! هُژّار بێت که شمارا گۆن اے مردمان چے کنگی اِنت.