کاسِدانی کار 5:14 - هُدائے پاکێن کتاب، بلۆچی زبانا

¹⁴ اَنگت، هُداوندئے سرا باوَرمندێن جنێن و مردێن، رۆچ په رۆچ گێش بئیان اَتنت و گۆن آیان هئوارَ بوتنت.

کاسِدانی کار 5:14 Кръстосани препратки

دَرگوَز 35:22

جنێن و مردێنَ آتکنت. هرکَس که دلا پرمات، آییا ٹاسین و نالُک و مُندریکّ و هار، هر تَهرێن سَهت و زێوَرَ آورت. هر مردما تلاهئے ٹێکیَ آورت و په هُداوندا چست کنگی کربانیگَ کرتنت.

کاسِدانی کار 11:24

بارنابا شَرّێن مردے اَت و چه ایمان و پاکێن روها سررێچ اَت. اے دابا، دگه بازێن مردمے هُداوندئے راها هئوار بوت.

کاسِدانی کار 2:41

گڑا، همایان که آییئے کُلئو و پئیگام زرت، پاکشۆدی هم کرت و آ رۆچا، کِساس سئے هزار مردم گۆن باوَرمندان هۆر بوت.

کاسِدانی کار 2:47

هُدااِش سَتا و سَنا کرت و سجّهێن مهلوکا آ دۆست اَتنت. هُداوند هم رۆچ په رۆچ رَکّێنتگێن مردمان گێشا چه گێشتر کنان اَت.

کاسِدانی کار 22:4

من ’اے راهئے‘ مَنّۆگر آزار داتگ و کُشگی هم کرتگ‌اَنت، مردێن وَه مردێن اَنت، جنێن هم گپتگ و بندی کناێنتگ‌اَنت.

کاسِدانی کار 4:4

بله بازێنے که آیانی کُلئو و پئیگامِش اِشکتگ‌اَت باوَرمند بوت و چه آیان کِساس پنچ هزار مردێن اَتنت.

کاسِدانی کار 6:7

اے ڈئولا هُدائے پاکێن هبر مردمانی نیاما تالان بوت و اورشَلیما مرید سکّ زوتّ گێشا چه گێشتر بئیانَ بوتنت. بازێن دینی پێشواے هم اے باوَرئے مَنّۆگر بوت.

کاسِدانی کار 8:12

نون وهدے مردمان پیلیپُسئے سرا باور کرت، که آ، هُدائے بادشاهیئے وشّێن مِستاگ و ایسّا مَسیهئے ناما جار جنَگا اَت، گڑا مردێن و جنێنان، پاکشۆدیَ کرت.

کاسِدانی کار 8:3

بله شاوولا، کِلیسائے برباد کنگ بِندات کرت. لۆگ په لۆگَ شت، مردێن و جنێن چه لۆگان درَ کرت، کَشّان کنانَ برت و جێلَ کناێنتنت.

کاسِدانی کار 9:2

چه آییا لۆٹتی په دَمِشْکئے شهرئے کَنیسَهانی سرۆکان کاگدے بنبیسیت که شاوولا اے اِهتیار ببیت، اگن آییا اۆدا ”اے راهئے“ هر منۆگرے دیست، مردێنے ببیت یا جنێنے، بندیگ بکنت و اورشَلیما بیاریت.

کاسِدانی کار 9:31

گڑا یَهودیَه و جَلیل و سامِرَهئے سجّهێن دَمگان، کِلیسا اێمن و آسودگ بوت و رُست و رُدۆم کنان اَت. باوَرمندان، په هُداتُرسی زِندَ گوازێنت و گۆن پاکێن روهئے دِلبڈّیا رۆچ په رۆچ گێشترَ بوتنت.

کاسِدانی کار 9:35

وهدے لُدَّه و شارونئے مردمان اینیاس دیست، آ هم دێم په هُداوندا آتکنت.

کاسِدانی کار 9:42

اے هال، سجّهێن یاپائے شهرا شِنگ بوت و بازێن مردمێا هُداوندئے سرا باور کرت.

په گَلاتیان پولُسئے کاگد 3:28

هُدائے کرّا پرک و پێر نێست که شما یَهودی اێت یا درکئوم، گُلام اێت یا آزات، مردێن اێت یا جنێن، چێا که شما سجّهێن ایسّا مَسیهئے برکتا یکّ اێت.