کاسِدانی کار 5:13 - هُدائے پاکێن کتاب، بلۆچی زبانا

¹³ باوَرمند، مردمانی گوَرا باز اِزَّتمند اَتنت، بله چه آ دگران کَسێا اے دل و جُریت نێست‌اَت که گۆن آیان هۆر ببیت.

کاسِدانی کار 5:13 Кръстосани препратки

لوکا 19:48

بله په وتی اے مکسدا، هچّ راهے در گێتک نکرتِش، چێا که آییئے هر هبر مردمانی دلا نِشتگ‌اَت.

یوهَنّا 12:42

اَنگت هم یَهودیانی بازێن سرۆکێا آییئے سرا ایمان آورت. بله چه همے تُرسا که پَریسی آیان چه کَنیسَها در مکننت، نامِشَ نگپت.

یوهَنّا 19:38

رَندا، ایسُّپ نامێن مردے که اَریماتیائے شهرئے نندۆک اَت، پیلاتوسئے کِرّا شت و ایسّائے جۆنی لۆٹت. آ ایسّائے مُریدے اَت بله چێرُکایی، چێا که چه یَهودیانَ تُرسِتی. پیلاتوسا اِجازت دات و آییا جۆن برت.

یوهَنّا 9:22

آییئے پت و ماتا چه یَهودیان تُرست، پمێشکا اے ڈئولا پَسّئوِش دات. یَهودیان چه پێسرا شئور کرتگ‌اَت که هرکَس باوَر بکنت و بگوَشیت که ایسّا، مَسیه اِنت، آییا چه کَنیسَها درَ کنێن.

کاسِدانی کار 19:17

چه اے هالئے اِشکنگا، اِپێسُسئے شهرئے سجّهێن مردمان، یَهودی و یونانی دوێنان، باز تُرست و هُداوندێن ایسّائے نامِش ستا و سنا کرت.

کاسِدانی کار 2:47

هُدااِش سَتا و سَنا کرت و سجّهێن مهلوکا آ دۆست اَتنت. هُداوند هم رۆچ په رۆچ رَکّێنتگێن مردمان گێشا چه گێشتر کنان اَت.

کاسِدانی کار 4:21

گڑا چه گێشترێن تُرسێنگ و پادتراپ. دئیگا رند، آاِش یله داتنت. په آیانی سِزا دئیگا شَرّێن راهے ندیستِش، چێا که گۆن اے اَجَبَّتێن کارئے گِندگا سجّهێن مردمان هُدا سَتا کرت و ساڑات.

کاسِدانی کار 5:26

گڑا پرستشگاهئے نِگهپانانی سرۆک گۆن وتی سپاهیگان شت و کاسِدِش گپت و آورتنت، بله په زۆر نه، چێا که تُرستِش ”چۆ مبیت مردم مارا سِنگسار بکننت.“

کاسِدانی کار 5:5

وهدے هَنّانیایا اے هبر اِشکتنت، زمینا کپت و ساهی دات. هرکَسا که اے هبر اِشکت، آییئے دلا بلاهێن تُرسے نِشت.