کاسِدانی کار 4:22 - هُدائے پاکێن کتاب، بلۆچی زبانا

²² آ مرد که گۆن اے مۆجزها دْراه بوتگ‌اَت، اُمری چِلّ سالا گێش اَت.

کاسِدانی کار 4:22 Кръстосани препратки

مَتّا 9:20

همۆدا یکّ جنێنے هست‌اَت که دوازده سال اَت آییئے هۆن بند نبوتگ‌اَت. آ چه پُشتی نێمگا آتک و ایسّائے کباهئے لَمبی دست جت.

لوکا 13:11

یکّ جنێنے همۆدا اَت که هژده سالا، یکّ اَرواهێا نادْراه کرتگ‌اَت. کُمپی جتگ‌اَت و هچّ ڈئولا وتی سْرێنی تچک کرتَ نکرت.

یوهَنّا 5:5

اۆدا مردے هست‌اَت که آییئے ناجۆڑیا سی و هشت سال اَت.

یوهَنّا 9:1

وهدے ایسّا راهێا رئوگا اَت، پێدائِشی کۆرے دیستی.

کاسِدانی کار 3:2

هما وهدا، لهتێن مردم یکّ پێدائِشی لَنگێا آرگا اَت. مردمان اے لَنگ هر رۆچ، مزنێن پرستشگاهئے ”زێبا“ نامێن دَروازگئے دپا واپێنت تان چه پرستشگاهئے رئوۆکێن مردمان پِنڈگے بگیپت.

کاسِدانی کار 4:21

گڑا چه گێشترێن تُرسێنگ و پادتراپ. دئیگا رند، آاِش یله داتنت. په آیانی سِزا دئیگا شَرّێن راهے ندیستِش، چێا که گۆن اے اَجَبَّتێن کارئے گِندگا سجّهێن مردمان هُدا سَتا کرت و ساڑات.

کاسِدانی کار 4:23

آزات بئیگا رَند، پِتْرُس و یوهَنّا وتی همراهانی کِرّا شتنت و آاِش چه مزنێن دینی پێشوا و کئومئے کماشانی گوَشتگێن هبران سهیگ کرتنت.

کاسِدانی کار 9:33

اۆدا آییا اینیاس نامێن مردے دیست که لَنگ و مُنڈ اَت و هَشت سال اَت که تَهتئے باهۆٹ اَت.