کاسِدانی کار 28:31 - هُدائے پاکێن کتاب، بلۆچی زبانا

³¹ په نَتُرسی هُدائے بادشاهیئے جاریَ جت و هُداوندێن ایسّا مَسیهئے بارئوا مردمی تالیمَ داتنت و هچکَسێا آ، مکنَ نکرت.

کاسِدانی کار 28:31 Кръстосани препратки

مَتّا 4:23

ایسّایا سجّهێن جَلیلا تَرّ و گردَ کرت. آییا کَنیسَهانی تها مردم درس و سَبکَّ دات، هُدائے بادشاهیئے مِستاگَ رسێنت و مردم چه ناجۆڑی و نادْراهیان جۆڑ و دْراهَ کرتنت.

مَرکاس 1:14

چه یَهیائے دَزگیر بئیگا رَند، ایسّا جَلیلا شت و هُدائے بادشاهیئے وشّێن مِستاگئے جاری جت و

لوکا 8:1

رَندا، ایسّا شهر په شهر و مێتگ په مێتگَ ترّت و په مردمان، هُدائے بادشاهیئے مِستاگئے جاریَ جت. آییئے دوازدهێن کاسِد همراه اَتنت.

کاسِدانی کار 1:3

مَرکئے سکّیئے سَگّگا رَند، وتی کاسِدانی دێما زاهرَ بوت و گۆن بازێن گواهیان پَدّریَ کرت که چه مُردگانی نیاما زندگ بوتگ و جاهی جتگ. آییا، تان چِلّ رۆچا وتا کاسِدانی دێما زاهرَ کرت و گۆن آیان هُدائے بادشاهیئے بارئوا هبریَ کرت.

کاسِدانی کار 20:25

نونَ زانان، من که هُدائے بادشاهیئے وشّێن مِستاگ په شما آورتگ و رسێنتگ، چه شما هچکَس پدا منا نگندیت.

کاسِدانی کار 23:11

هما شپا هُداوندێن ایسّا پولُسئے دێما آتک و اۆشتات. گوَشتی: ”او پولُس! دلا مزن کن، اَنچُش که تئو اورشَلیمئے شهرا په منی مِستاگا شاهدی داتگ، همے ڈئولا رومئے شهرا هم ترا شاهدی دئیگی اِنت.“

کاسِدانی کار 28:23

آیان گۆن پولُسا په گِند و نِندا یکّ رۆچے گیشّێنت و آ رۆچا، چه پێسرا گێشتر مردم پولُسئے لۆگا آتک و مُچّ بوت. گڑا پولُسا سباها بگر تان بێگاها گۆن آیان هُدائے بادشاهیئے بارئوا تْران کرت و گواهی دات. آییا چه موسّائے شَریَت و گوَستگێن نبیانی کتابانی گواهی و دَلیلان اے جُهد کرت که ایسّائے مَنّۆگریا آیانی دلان بنادێنیت.

کاسِدانی کار 28:30

پولُس تان دو سالا وتی جندئے کِرێه کرتگێن لۆگێا جَهمنند بوت و هرکَس په گِندُکا بیاتکێن آییا وشّاتکَ کرت.

کاسِدانی کار 4:29

او هُداوند! نون اِشانی پادتراپانی نێمگا بچار و وتی هِزمتکاران کُمکّ بکن تانکه تئیی هبران په مزنێن بهادُرّی و نتُرسی درشان بکننت.

کاسِدانی کار 4:31

چه آیانی دْوایا رند، آ جاگه که اۆدا مُچّ اَتنت لَرزت، سجّهێن چه پاکێن روها سررێچ بوتنت و هُدائے هبرِش په دِلێری درشان کرت.

کاسِدانی کار 5:42

آیان مزنێن پرستشگاه و لۆگانی تها، چه اے مِستاگئے تالان کنگا که ایسّا هما مَسیه اِنت، هچبر دستَ نکَشّت.

کاسِدانی کار 8:12

نون وهدے مردمان پیلیپُسئے سرا باور کرت، که آ، هُدائے بادشاهیئے وشّێن مِستاگ و ایسّا مَسیهئے ناما جار جنَگا اَت، گڑا مردێن و جنێنان، پاکشۆدیَ کرت.

په پیلیپیان پولُسئے کاگد 1:14

منی بندیگ بئیگئے سئوبا، گێشترێن باورمندان هم چه هُداوندئے نێمگا هِمّت و دِلبڈّی رستگ و بے تُرس و لَرزا هُدائے پئیگامئے جارا جننت.

په تیموتاووسا پولُسئے دومی کاگد 2:9

په همِشیا سکّی و سۆریَ سگّان، تنتنا چۆ ردکارا زمزیلان بَستگ آن. بله هُدائے هبر زمزیلان نبَستگ.

په تیموتاووسا پولُسئے دومی کاگد 4:17

بله هُداوند منی کَشا اۆشتات و منا زۆر و واکی دات، تانکه من سَرجمیا پئیگامئے جارا بجنان و سجّهێن درکئوم بشکُننت. اے پئیما من چه شێرئے دپا رَکّتان.