کاسِدانی کار 26:8 - هُدائے پاکێن کتاب، بلۆچی زبانا

⁸ او گۆش دارۆکان! چێا اے هبرا مَنِّتَ نکنێت که هُدا مُردگان پدا زندگَ کنت؟

کاسِدانی کار 26:8 Кръстосани препратки

پێدایش 18:14

چُشێن کارے هست که په هُداوندا گران ببیت؟ گیشّتگێن وهدا، دێمی سالا تئیی کِرّا پِرَ ترّان و سارَها مردێن‌چُکّے بیت.“

لوکا 1:37

چێا که په هُدایا، هچّ کارے نبوتنی نه‌اِنت.“

لوکا 18:27

ایسّایا پَسّئو دات: ”په انسانا نبوتنی اِنت، بله هُدائے دستا هر چیزّ بوتَ کنت.“

کاسِدانی کار 23:6

پولُس سهیگ اَت که سرۆکانی دیوانئے لهتێن باسک، سَدوکی و لهتێن پَریسی اَنت، پمێشکا آییا په بُرزتئواری دَرّاێنت: ”او براتان! من پَریسیے آن و منی پت و پیرُک هم پَریسی بوتگ‌اَنت، مرۆچی اے هَکدیوانئے دێما پمێشکا اۆشتارێنگ بوتگان که منی باور و اُمێت اِنت که هُدا مُردگان پدا زندگَ کنت.“

کاسِدانی کار 25:19

اے مردئے سرا آیانی بُهتام وتی جِندئے دینی هبر و ایسّا نامێن مُرتگێن مردێئے بارئوا اَتنت که پولُسَ گوَشیت آ زندگ اِنت.

کاسِدانی کار 4:2

آ، چه اے هبرا سکّ نارزا اَتنت که کاسِدان مردم درس و سَبکَّ دات و جارِشَ جت که چه ایسّائے نام و راها مُردگ پدا زندگَ بنت.

په پیلیپیان پولُسئے کاگد 3:21

گۆن هما زۆر و واکا که هر چیزّا وتی دستا آورتَ کنت، گۆن هما زۆرا مئے اے هاکیێن بَدنا مَٹَّ کنت و وتی پُرشئوکتێن بَدنئے ڈئولا کنت.