کاسِدانی کار 25:16 - هُدائے پاکێن کتاب، بلۆچی زبانا

¹⁶ من گوَشتنت: ’رومیانی رَهبند اِش اِنت، تان وهدے کَسێا بُهتام جنۆکانی دێما وتی دێمپانیئے مۆه دئیگ مبیت، آ سِزا دئیگَ نبیت.‘

کاسِدانی کار 25:16 Кръстосани препратки

پێدایش 39:19

وهدے ایسُّپئے واجها وتی لۆگیئے هبر اِشکتنت که تئیی هِزمتکارا گۆن من چُش کرتگ، سکّ هِژم گپت و

لوکا 12:11

مردم شمارا گرنت و کَنیسَهانَ برنت و هاکم و هکومتانی دێما پێشَ کننت. آ وهدا، په وتی دێمپانیا پرێشان مبێت که چے بگوَشێت،

یوهَنّا 7:51

”بارێن، مئے شَریَت مارا اِجازتَ دنت که کَسێئے هبرانی گۆش دارگ و کارانی زانگا پێسر، آییا مئیاربار بکنێن؟“

کاسِدانی کار 23:30

وهدے منا هال رَست که په آییئے کُشگا پندلے سازگ بوتگ، هما دمانا تئیی گوَرا راهُن دات. من، هما مردم که آییئے سرا بُهتامَ جننت، پرمان داتگ‌اَنت که گۆن آییا وتی اَڑا تئیی دێما پێش بکننت.“

کاسِدانی کار 23:35

گڑا گۆن پولُسا گوَشتی: ”وهدے تئیی سرا بُهتام جنۆکێن مردمَ کاینت، من تئیی و آیانی هبران وت گۆشَ داران.“ گڑا آییا سپاهیگ هُکم کرتنت که پولُسا هما کلاتا ببرنت که هیرودیس بادشاها بستگ و همۆدا آییئے نِگهپانیا بکننت.

کاسِدانی کار 26:1

بادشاه اَگْریپاسا گۆن پولُسا گوَشت: ”ترا وتی دێمپانیئے مۆه و مۆکل اِنت.“ پولُسا دست بُرز کرت و په وتی بێمئیاریئے پَدّر کنگا هبرا لگّت و گوَشتی: