کاسِدانی کار 25:10 - هُدائے پاکێن کتاب، بلۆچی زبانا

¹⁰ پولُسا گوَشت: ”من رومئے کئیسَرئے هَکدیوانئے دێما اۆشتاتگان. منی دادرسی باید همِدا ببیت. اَنچُش که تئو وت شَرَّ زانئے من په یَهودیان هچّ مئیار و گناهے نکرتگ.

کاسِدانی کار 25:10 Кръстосани препратки

مَتّا 27:18

آییا زانتگ‌اَت که ایسّااِش په هَسَدّ و کُنّت آییئے دستا داتگ. پمێشکا چُش گوَشتی.

مَتّا 27:19

وهدے پیلاتوس هَکدیوانا نِشتگ‌اَت، آییئے جَنا اے کُلئو راه دات که ”گۆن اے بێگناه و نێکێن مردا هچّ مکن، چێا که دۆشی من اِشیئے بارئوا سکّێن پرێشانێن وابے دیستگ.“

کاسِدانی کار 23:29

سهیگ بوتان که آییا وتی شَریَتئے جێڑهانی سرا مئیاریگ کنگا اَنت و آییا هچّ چُشێن کارے نکرتگ که کئید و بند، یا مَرکئے سِزاوار ببیت.

کاسِدانی کار 25:17

وهدے آییئے بُهتام جنۆک اِدا آتکنت، من آیانی اے اَڑئے گیشّێنگا دێر نکرت، دومی رۆچا هَکدیوانا نِشتان و پرمان دات که پولُس پێش کنگ ببیت.

کاسِدانی کار 25:25

منی زانگا، اِشیا چُشێن مزنێن مئیار و گناهے نکرتگ که کُشگ ببیت، بله وهدے اِشیا لۆٹت که کئیسَرئے هَکدیوانا پێش کنگ ببیت، گڑا من شئور کرت رومئے شهرا راهی بدئیان.

کاسِدانی کار 25:6

هَشت تان ده رۆچا گۆن آیان نندگا رند، پِستوس کئیسَریَها پِر ترّت. دومی رۆچا آییا هَکدیوان کرت و هُکمی دات که پولُسا بیارنت.

کاسِدانی کار 26:31

وهدے در آیگا اَتنت، وت‌مان‌وت گوَشگا اَتنت که ”اے مردا چُشێن مزنێن مئیارے نکرتگ که جێل کنگ یا کُشگ ببیت.“

کاسِدانی کار 28:18

رومیان بازێن پَٹّ و پۆلا رَند، په من هچّ چُشێن مئیارے ندیست که کُشگ ببان، پمێشکا لۆٹتِش منا یله بدئینت.