کاسِدانی کار 23:30 - هُدائے پاکێن کتاب، بلۆچی زبانا

³⁰ وهدے منا هال رَست که په آییئے کُشگا پندلے سازگ بوتگ، هما دمانا تئیی گوَرا راهُن دات. من، هما مردم که آییئے سرا بُهتامَ جننت، پرمان داتگ‌اَنت که گۆن آییا وتی اَڑا تئیی دێما پێش بکننت.“

کاسِدانی کار 23:30 Кръстосани препратки

کاسِدانی کار 15:29

شما چه بُتانی ناما کُربانیگ کرتگێن گۆشتا، چه هۆنئے ورگا، چه مُردارێن دَلوَتانی گۆشتا و چه زنا و بێننگیا پهرێز بکنێت. چه اے کاران وتا دور دارگ، په شما باز شَرّ اِنت. وشّ و سلامت باتێت.“

کاسِدانی کار 23:12

دومی سَباها، لهتێن یَهودیا پندلے جۆڑێنت و وت‌مان‌وتا سئوگندِش وارت که تان پولُسا مکُشنت، نه آپَ ورنت و نه ورگ.

کاسِدانی کار 23:20

آییا گوَشت: ”لهتێن یَهودیا شئور کرتگ که ترا بگوَشنت باندا پولُسا دیوانئے دێما پێش بکنئے، په اے شئورا آیانی نیمّۆن اِش اِنت که آ پولُسئے بارئوا گێشتر جُست و پُرس کنگَ لۆٹنت،

کاسِدانی کار 23:31

گڑا سپاهیگان، پرمانئے سرا، هما شپا پولُس چه اورشَلیما زرت و اَنْتیپاتْریسئے شهرا رَسێنت.

کاسِدانی کار 23:35

گڑا گۆن پولُسا گوَشتی: ”وهدے تئیی سرا بُهتام جنۆکێن مردمَ کاینت، من تئیی و آیانی هبران وت گۆشَ داران.“ گڑا آییا سپاهیگ هُکم کرتنت که پولُسا هما کلاتا ببرنت که هیرودیس بادشاها بستگ و همۆدا آییئے نِگهپانیا بکننت.

کاسِدانی کار 24:19

بله آسیائے دَمگئے لهتێن یَهودی همۆدا اَت، اگن آیان گۆن من جێڑهے هست‌اَت، آ تئیی کِرّا بیاتکێننت و منا مئیاریگِش بکرتێن.

کاسِدانی کار 25:16

من گوَشتنت: ’رومیانی رَهبند اِش اِنت، تان وهدے کَسێا بُهتام جنۆکانی دێما وتی دێمپانیئے مۆه دئیگ مبیت، آ سِزا دئیگَ نبیت.‘

کاسِدانی کار 9:24

بله شاوول چه آیانی پَندَلا سهیگ بوت. گڑا، آیان شپ و رۆچ شهرئے دروازگانی نِگهپانیا کرت تان بگرنت و بکُشنتی.