کاسِدانی کار 15:19 - هُدائے پاکێن کتاب، بلۆچی زبانا

¹⁹ پمێشکا منی هئیالا، ما آ درکئومانی راها جنجال اَڈّ مکنێن که هُدائے راهِش زرتگ،

کاسِدانی کار 15:19 Кръстосани препратки

کاسِدانی کار 15:10

نون شما چێا مریدانی گردنا گرانێن جُگے بندێت و هُدایا چَکّاسیت؟ اے بارا، نه ما زرتَ کنێن و نه مئے پیرێنان زرت کرتگ.

کاسِدانی کار 15:24

ما اِشکتگ که بے مئے پرمانا چه مئے نیاما لهتێن باوَرمند همانگُر آتکگ و گۆن وتی هبران شمارا دِلتپرکه و پرێشانِش کرتگ.

کاسِدانی کار 15:28

پاکێن روه و ما، همے شرتر زانتگ که لهتێن بُنیادی گپّان و اَبێد، گرانێن بارے شمئے کۆپگان مَلَڈّێن.

کاسِدانی کار 21:21

بله لهتێنا تئیی بارئوا گۆن آیان گوَشتگ که تئو آ سجّهێن یَهودی که درکئومانی نیاما نِشتگ‌اَنت سۆجَ دئیئے که موسّائے شَریَتا یله بدئینت و وتی چُکّان سُنّت مکناێننت و مئے اے دگه دۆد و رَبێدگانی سرا کار مکننت.

کاسِدانی کار 21:25

بله ما هما درکئومێن باوَرمندانی سرا نبشتگ که مئے هُکم آیانی بارئوا چے اِنت. چه بُتانی ناما کُربانیگ کرتگێن گۆشتا، چه هۆنئے ورگا، چه مُردارێن دَلوَتانی گۆشتا و چه زنا و بێننگیا پهرێز بکننت.“

کاسِدانی کار 26:20

پێسرا دَمِشْکئے شهرئے مردمانی نیاما، رَندا اورشَلیم و یَهودیَهئے سجّهێن هَند و دَمگانی مردمانی کِرّا و گڑا درکئومانی گوَرا هم شتان و اے کُلئو رسێنت که چه وتی گناهان تئوبه بکننت و هُدائے راها پِر بترّنت و چه وتی کاران پَدّر بکننت که هُدائے راهِش گپتگ.

په گَلاتیان پولُسئے کاگد 2:4

سُنّت کنگئے هبر پمێشکا چست بوت که لهتێن درۆگێن ”برات“ مئے نیاما پُتِرتگ‌اَت که مئے جاسوسیا بکننت و هما آزاتیا که مارا چه ایسّا مَسیهئے برکتا هست‌اِنت، سرپد ببنت تانکه مارا گُلام بکننت.

په تِسالونیکیان پولُسئے ائولی کاگد 1:9

چێا که شما مارا چۆن وشّ‌آتک کرت، مردم وت اے کسّها کننت، و اے گپّا هم کننت که شما چۆن بُت‌پرستی یله دات و دێم په هُدایا آتکێت که نمیران و راستێن هُدائے پرستش و هِزمتا بکنێت و