کاسِدانی کار 15:13 - هُدائے پاکێن کتاب، بلۆچی زبانا

¹³ وهدے آیان وتی گپّ و تْران هلاس کرت، آکوبا دَرّاێنت: ”او براتان! منی هبران دِلگۆش کنێت.

کاسِدانی کار 15:13 Кръстосани препратки

مَرکاس 15:40

لهتێن جنێن دور اۆشتاتگ و چارگا اَت، گۆن آیان، مَریم مَجْدَلیَه، کَسانێن آکوب و یوشائے مات مَریم و سالومه گۆن اَتنت.

کاسِدانی کار 12:17

پِتْرُسا گۆن دستئے اِشارها بێتئوار کرتنت و هال داتنت که هُداوندا آ، چه جێلا چۆن آزات کرتگ. گۆن آیان گوَشتی: ”آکوب و اے دگه براتان چه اے هالا سهیگ بکنێت.“ رَندا چه اۆدا در آتک و دگه جاگهێا شت.

کاسِدانی کار 15:14

شَمون پِتْرُسا گوَشت که هُدایا چِه پئیما ائولی برا درکئومانی نێمگا په مِهر هئیال گوَر کرت که چه آیان هم په وتی ناما کئومے گچێن بکنت.

کاسِدانی کار 2:14

آ وهدی، پِتْرُس گۆن آ دگه یازدهێنان پاد آتک و په بُرزتئواری گۆن آیان گوَشتی: ”او یَهودیان و اورشَلیمئے جَهمنندان! سرپد ببێت و منی هبران دلگۆش کنێت.

کاسِدانی کار 2:22

او اِسراییلیان! دِلگۆش کنێت. اَنچُش که شما وتَ زانێت، هُدایا شمئے نیاما مۆجزه و اَجِکّایی و اَجَبَّتێن نشانی چه ایسّا ناسِریئے نێمگا زاهر و پَدّر کرت و اے ڈئولا په آییا گواهی داتی.

کاسِدانی کار 2:29

او براتان! من په دلجمی شمارا گوَشان که مئے بُنپیرُک داوود مُرت، کبر و کَپن بوت و آییئے کبر تان مرۆچی مئے گوَرا هست‌اِنت.

کاسِدانی کار 21:18

دومی رۆچا، پولُسئے همراهیا ایسّائے برات آکوبئے گِند و نِندا شتێن. کِلیسائے سجّهێن کماش همۆدا اَتنت.

کاسِدانی کار 22:1

”او پت و براتان! منا اے هَکّا بدئیێت که شمئے دێما وتی دێمپانیا بکنان.“

کاسِدانی کار 7:2

اِسْتیپانا پَسّئو دات: ”او پت و براتان! دلگۆش کنێت: پُرشئوکتێن هُدا، هما وهدا مئے بُنپیرُک اِبراهێمئے دێما زاهر بوت که آ اَنگت بئین‌النهرئینا اَت و هارانا جَهمنند نبوتگ‌اَت.

په گَلاتیان پولُسئے کاگد 1:19

من اۆدا آ دگه کاسد ندیستنت، من بسّ هُداوندئے برات آکوب دیست.

په گَلاتیان پولُسئے کاگد 2:12

گپّ اِش اِنت که چه آکوبئے نێمگا لهتێن مردمئے آیگا پێسر، کێپایا گۆن درکئومێن باورمندان وراکَ وارت، بله وهدے اے مردم آتکنت، آییا وتا چه درکئومان دور داشت و آیانی نزّیکّا نئیاتک، چێا که چه سُنّت کنگئے مَنّۆکان تُرستی.

په گَلاتیان پولُسئے کاگد 2:9

آکوب و کێپا و یوهَنّا که کلیسائے مِنُک زانگَ بوتنت، وهدے سرپد بوتنت که منا رهمتئے اے سئوگات رستگ، وتی راستێن دستِش منی و بارنابائے نێمگا په همکاریا شهارت که ما درکئومانی کرّا برئوێن و آ، سُنّت کرتگێنانی کرّا برئونت.

آکوب 1:1

چه هُدا و هُداوندێن ایسّا مَسیهئے هِزمتکار، آکوبئے نێمگا په دوازدهێن کَبیلهان که دنیایا شِنگ و شانگ اَنت. شمارا سلام سر بات.

آکوب 1:19

او منی دُردانگان! شَرّ دلگۆش بکنێت. هرکَس باید اِنت اِشکنگا تئیار ببیت، بله هبرا اِشتاپ مکنت و زوتّ زَهر مگیپت.