کاسِدانی کار 14:15 - هُدائے پاکێن کتاب، بلۆچی زبانا

¹⁵ گوَشتِش: ”او مردمان! شما چے کنگا اێت؟ ما شمئے ڈئولێن بنی‌آدم اێن و بَسّ. آتکگێن شمارا اے مِستاگا بدئیێن که اے هراب و ناهودگێن کاران یله بکنێت و بَرهَکّ و نمیرانێن هُدائے کِشکا بگرێت. آییا آسمان، زمین، دریا و هرچے که آیانی تها هست‌اِنت، اَڈّ کرتگ‌اَنت.

کاسِدانی کار 14:15 Кръстосани препратки

پێدایش 1:1

بُنگێجا، هُدایا آسمان و زمین اَڈّ کرتنت.

پێدایش 41:16

ایسُّپا گوَشت: ”اے چه منی وَس و واکا در اِنت، بله هُدا تئوِ پِرئونا هئیرێن پسّئوے داتَ کنت.“

زَبور 115:15

هُداوند شمارا برکت دئیات، زمین و آسمانئے اَڈّ کنۆک.

زَبور 124:8

هُداوندئے نام مئے مدَت اِنت، آسمان و زمینئے جۆڑ کنۆکئے نام.

زَبور 31:6

ترا چه آیان نپرت اِنت که دلگۆشِش گۆن بےاَرزشێن بُتان اِنت، بله من تئیی سرا تئوکلَ کنان، او هُداوند!

زَبور 33:6

گۆن هُداوندئے گال و هبرا آسمان اڈّ بوتگ‌اَنت و آیانی سجّهێن لشکر، گۆن آییئے دپئے دَما.

دَرگوَز 20:11

چێا که هُداوندا شَش رۆچا آسمان، زمین، دریا و هرچے که اِشانی تها هست، اَڈّ کرتنت و هپتمی رۆچا آرامی کرت، پمێشکا هُداوندا شَبَّتئے رۆچ برکت داتگ و گِچێنی و پاکێن رۆچے جۆڑ کرتگ.

دانیال 6:26

من جارَ جنان که منی بادشاهیئے هر کُنڈئے مردم، چه دانیالئے هُدائے تُرسا بلرزنت و هماییا شرپ بدئینت. چێا که هما زندگێن هُدا اِنت و مُدامَ مانیت. آییئے بادشاهی هچبر تباه و بربادَ نبیت و آییئے هُکمرانی هچبر هلاسَ نبیت.

مَتّا 16:16

شَمون پِتْرُسا پَسّئو دات: ”تئو مَسیه ائے، نمیرانێن هُدائے چُکّ.“

یوهَنّا 5:26

چێا که هما ڈئولا که پت زِندمانئے سَرچمّگ اِنت، چُکّا هم اے واک و توانی داتگ که زِندمانئے سَرچمّگ ببیت.

یوهَنّا 7:18

هرکَس که چه وت هبرَ کنت، په وتی مزنیئے پێش دارگا هبرَ کنت. بله آ کَس که وتی دێم دئیۆکئے شان و شئوکتئے لۆٹۆکَ بیت، تچکێن مردمے و آییئے هچّ چیزّ ناراست نه‌اِنت.

کاسِدانی کار 10:26

پِتْرُسا اۆشتارێنت و گوَشتی: ”پاد آ، من هم تئیی ڈئولا انسانے آن.“

کاسِدانی کار 13:32

انّون ما په شما همے مِستاگا دئیگا اێن، آ کئول که هُدایا گۆن مئے پت و پیرُکان کرتگ‌اَت،

کاسِدانی کار 14:21

مان دِرْبِهئے شهرا هم، ایسّائے وشّێن مِستاگِش تالان کرت و بازێن مردمے مریدِش کرت. پدا لِسْتْرَه، اِکُنیَه و اَنْتاکیَها پِر ترّتنت.

کاسِدانی کار 14:7

همۆدا ایسّائے وشّێن مِستاگِش تالان کرت.

کاسِدانی کار 16:30

آ چه جێلا در کرتنت و گوَشتی: ”او واجهان! من په وتی رَکّگا چے بکنان؟“

کاسِدانی کار 27:10

گوَشتی: ”او واجهان! من اَنچُشَ گندان که سکّێن بیمناک و تاوانبارێن سپرے مئے دێما اِنت، نه تهنا په بۆجیگ و بۆجیگئے بار و بُنَگا، په مئے زِندا هم.“

کاسِدانی کار 27:21

تان باز رۆچا ورگِش هم نئوارتگ‌اَت. گڑا، پولُس آیانی دێما اۆشتات و گوَشتی: ”او مردان! اگن شما منی هبر بزُرتێن و چه کْریتا در مئیاتکێنێت، مئے سرا اینچک سکّی و سۆری نکپتگ‌اَت و اینچک تاوان هم نرَستگ‌اَت.

کاسِدانی کار 27:25

او براتان! دلا ڈَڈّ کنێت چێا که منا هُدائے سرا سِتک اِنت و دلجم آن، پرێشتگا هرچے منا گوَشتگ، اَلّما هما ڈئولا بیت.

کاسِدانی کار 4:24

آیان که اِشکت، یکدل و همتئوار هُدائے بارگاها دْوا کرت و گوَشتِش: ”او زۆرمندێن هُداوند، آسمان و زمین و دریائے اَڈّ کنۆک و هر چیزّے که آیانی تها اِنت!

کاسِدانی کار 7:26

اے دگه رۆچا اَناگت، آییا دو اِسراییلی وت‌مان‌وتا مِڑ و جنْگا دیست. موسّا په آیانی گیشّێنگ و تِپاک کنگا دێما کِنزت و گوَشتی: ’او مردان! شما وت‌برات اێت، چێا یکدگرا تاوانبارَ کنێت؟!‘

په تِسالونیکیان پولُسئے ائولی کاگد 1:9

چێا که شما مارا چۆن وشّ‌آتک کرت، مردم وت اے کسّها کننت، و اے گپّا هم کننت که شما چۆن بُت‌پرستی یله دات و دێم په هُدایا آتکێت که نمیران و راستێن هُدائے پرستش و هِزمتا بکنێت و

په تیموتاووسا پولُسئے ائولی کاگد 3:15

اگن من دێر کُرت، تئو بزانئے که هُدائے لۆگئے مردم بایَد گۆن یکدومیا چِه پئیما پێش بیاینت، هما که نمیرانێن هُدائے کلیسائے مردم اَنت و راستیئے مِنُک و بُنیاد اَنت.

آکوب 5:17

اِلیاس مئے پئیمێن مردمے اَت، بله په دلستکی دْوایی کرت که هئور مبیت. گڑا تان سئے و نێم سالا زمینا هئور نرِتک.

اِلهام 14:7

گۆن بُرزێن تئوارێا گوَشتی: ”هُدائے بیمّا دلا بدارێت و آییا شان و شئوکت بدئیێت چێا که آییئے دادرسیئے ساهت آتکگ و رَستگ. هماییا پرستش بکنێت که آسمان و زمین، دریا و آپی چَمّگی جۆڑ کرتگ‌اَنت.“

اِلهام 19:10

نون من آییئے پادانی دێما سُجده کنگا کپتان، بله منا گوَشتی: ”چۆ مکن، من هم تئیی و تئیی براتانی ڈئولێن هِزمتکارے آن که ایسّائے شاهدیا دئینت. هُدایا پرستش کن. ایسّائے بارئوا شاهدی دئیگ پئیگمبریئے جئوهر اِنت.“

اِلهام 19:19

نون من رستر دیست و زمینئے بادشاه و آیانی پئوج هم دیستنت که گۆن اسپ‌سوار و آییئے پئوجا په جنْگا مُچّ بوتگ‌اَتنت.

اِلهام 22:9

بله آییا منا گوَشت: ”نه، چۆ مکن. من هم تئیی و تئیی براتێن پئیگمبرانی ڈئولێن هِزمتکارے آن و همایانی ڈئولێنے آن که اے کتابئے هبرانی منّۆک اَنت. هُدایا پرستش بکن.“

اِلهام 4:11

”مئے هُداوند و مئے هُدا! تئو شان و شئوکت، اِزّت و زۆرَ کرزئے، چێا که تئو سجّهێن چیزّ اَڈّ کرتگ‌اَنت و سجّهێن چیزّ چه تئیی واهگا جۆڑ بوتگ و هست‌اَنت.“