کاسِدانی کار 12:19 - هُدائے پاکێن کتاب، بلۆچی زبانا

¹⁹ هیرودیسا شۆهاز کناێنت، بله وهدے پِتْرُس دستا نکپت، چه سپاهیگان جُست و پُرس کنگا رَند، آیانی کُشگئے هُکمی دات. گڑا هیرودیسا یَهودیَه یله دات و کئیسَریَها شت و همۆدا مَنت.

کاسِدانی کار 12:19 Кръстосани препратки

مَتّا 2:1

بادشاه هیرودیسئے اَهد و باریگا، وهدے ایسّا یَهودیَهئے دَمگئے شهر بئیت‌لَهِما پێدا بوتگ‌اَت، گڑا چه رۆدراتکا لهتێن نجومی اورشَلیمئے شهرا آتک.

مَتّا 2:13

نجومیانی پِر ترّگا رند، هُداوندئے پرێشتگے ایسُّپئے وابا آتک و گوَشتی: ”چُکّ و چُکّئے ماتا بزور و مِسرا بتچ، تان من ترا نگوَشان همۆدا بدار، چێا که هیرودیس چُکّئے در گێجگ و کُشگا دلمانگ اِنت.“

مَتّا 2:16

وهدے هیرودیس سهیگ بوت که نجومیان آ رَد داتگ، باز زهر گپت. پرمانی دات: ”بئیت‌لَهِم و کِرّ و گوَرئے دو سالیگ یا کَسترێن سجّهێن مردێن‌چُکّ کُشگ ببنت.“ اَنچُش که آییا پێسرا نجومی جُست و پُرس کرتگ‌اَتنت، هما هسابا اے وهدی گیشّێنت.

کاسِدانی کار 12:18

سباهئے سرا، سپاهیگانی نیاما شۆر و وَلوَلهے مان کپت که بارێن، پِتْرُسا چے بوت؟

کاسِدانی کار 12:4

دَزگیر کنگا رند، آییا پِتْرُس جێل کرت. چار چار سپاهیگئے چار ٹۆلی، باریگ باریگا آییئے سرا پاسپانی کنگا اَت. هیرودیسئے دلا اَت که سَرگوَزئے ائییدا رَند، آییا کئومئے دێما کاریت و پێشَ کنت.

کاسِدانی کار 12:6

چه آ رۆچا که هیرودیسا پِتْرُس هَکدیوانا برگی و مئیاریگ کنگی اَت یکّ شپے پێسر، آ گۆن دو زمزیلا بستگ‌اَت و دو سپاهیگئے نیاما وپتگ‌اَت. جێلئے دَروازگئے دپا هم نِگهپانێن سپاهیگ اۆشتاتگ‌اَتنت.

کاسِدانی کار 16:27

جێلئے نِگهپان، چه وابا پَچ لَرزت و آگه بوت، دیستی که بَندیجاهئے سجّهێن دروازگ پَچ اَنت، گُمانی کرت که کئیدی تتکگ و شتگ‌اَنت. نون په وت‌کُشیا زَهمی کَشّت.

کاسِدانی کار 21:8

اے دگه رۆچا چه اۆدا در آتک و کئیسَریَهئے شهرا رَستێن. اۆدا ما مِستاگ دئیۆکێن پیلیپُسئے لۆگا داشت که چه هما هپتێنان یکّے اَت.

کاسِدانی کار 25:13

کمّے رۆچان و رَند، بادشاه اَگْریپاس وتی گهار بِرنیکیئے همراهیا، په پِستوسئے مُبارکیا کئیسَریَها آتک و

کاسِدانی کار 27:42

سپاهیگان کئیدیانی کُشگئے شئور کرت تان چۆ مبیت که چه آیان کَسے اۆژناگ بکنت و بتچیت،

کاسِدانی کار 8:40

پیلیپُس اَشْدودئے شهرا گِندگ بوت، چه اۆدا تان کئیسَریَها شت و راها سجّهێن شهران ایسّائے وشّێن مِستاگی شِنگ کرت.