کاسِدانی کار 12:12 - هُدائے پاکێن کتاب، بلۆچی زبانا

¹² چه اے سرپدیا رَند، پِتْرُس مَریمئے لۆگا شت. مَریم هما یوهَنّائے مات اَت که مَرکاسئے ناما هم زانگَ بیت. اۆدا بازێن مردمے په دْوا کنگا مُچّ اَت.

کاسِدانی کار 12:12 Кръстосани препратки

کاسِدانی کار 12:25

وهدے بارنابا و شاوولا گۆن کُمکّ و ٹێکیانی رسێنگا وتی کار سَرجم کرت، چه اورشَلیمئے سپرا پِر ترّت و آتکنت و یوهَنّااِش که مَرکاس هم گوَشگَ بوت، گۆن وت آورت.

کاسِدانی کار 12:5

پِتْرُس اَنگت جێلا بندیگ اَت و کِلیسا گۆن بازێن دلسِتکیے په آییا هُدائے بارگاها دْوا کنگا اَت.

کاسِدانی کار 13:13

رَندا، پولُس و آییئے همکار، چه پاپوسئے شهرا بۆجیگا سوار بوت و پَمْپیلیَهئے دَمگا، پِرْگَهئے شهرا آتکنت. چه اۆدا یوهَنّایا آ یله داتنت و اورشَلیما پِر ترّت.

کاسِدانی کار 13:5

وهدے سالامیسئے شهرا رَستنت، یَهودیانی کَنیسَهان هُدائے هبرِش جار جت. یوهَنّااِش په کُمکّا همراه اَت.

کاسِدانی کار 16:40

چه بَندیجاها در آیگا رَند، پولُس و سیلاس لیدیَهئے لۆگا شتنت و گۆن باوَرمندان گِند و نندِش کرت، دِلبڈّی‌اِش داتنت که وتی ایمانئے سرا مُهر و کاهِم بۆشتنت و پدا چه پیلیپیئے شهرا در کپت و شتنت.

کاسِدانی کار 4:23

آزات بئیگا رَند، پِتْرُس و یوهَنّا وتی همراهانی کِرّا شتنت و آاِش چه مزنێن دینی پێشوا و کئومئے کماشانی گوَشتگێن هبران سهیگ کرتنت.

په تیموتاووسا پولُسئے دومی کاگد 4:11

تهنا لوکا منی کِرّا اِنت. مَرکاسا بزور و گۆن وت بیار، چێا که آ هُدائے هزمتکاریا په من مزنێن کُمکّے.

په پیلیمونا پولُسئے کاگد 1:24

منی همکار مَرکاس و اَریسْتَرکاس و دێماس و لوکا هم ترا سلام کنگا اَنت.

پِتْرُسئے ائولی کاگد 5:13

چه هما بانُکێن گهارئے نێمگا شما سجّهێنان دْرۆت و دْرَهبات سر بات که بابِلئے شهرا اِنت و گۆن شما هۆر گچێن کنگ بوتگ. چه منی چُکّ، مَرکاسئے نێمگا هم شمارا دْرۆت و دْرَهبات سر بات.