کاسِدانی کار 11:22 - هُدائے پاکێن کتاب، بلۆچی زبانا

²² اورشَلیمئے کِلیسایا، اے هال رَست و آیان بارنابا اَنْتاکیَها رئوان دات.

کاسِدانی کار 11:22 Кръстосани препратки

کاسِدانی کار 11:1

سجّهێن یَهودیَها، کاسِد و باوَرمندێن براتان اِشکت که درکئومێن مردمان هم هُدائے هبر مَنِّتگ.

کاسِدانی کار 11:19

هما باوَرمند که چه اِسْتیپانئے وهد و باریگئے آزاران، شِنگ و شانگ بوتگ‌اَتنت سات و سپر کنان، پینیکیَه، کِبْرِس و اَنْتاکیَهئے سرڈگاران رَستنت، هُدائے هبرانی مِستاگا تهنا گۆن یَهودیان گوَشگا اَتنت.

کاسِدانی کار 11:20

بله چه آیان لهتێنا، که کِبْرِس و کِرینیئے مردم اَتنت، اَنْتاکیَها آتک و اے وشّێن مِستاگِش هُداوندێن ایسّائے بارئوا په یونانیان هم سر کرت.

کاسِدانی کار 11:26

وهدے شاوولی در گێتک، گۆن وت اَنْتاکیَها برتی. اۆدا اے دوێن، تان سالێا گۆن کِلیسائے باوَرمندان هۆر بوتنت و بازێن مردمے درس و سَبکِّشَ دات. اے اَنْتاکیَهئے شهر اَت که ائولی رندا مرید، ”مَسیهی“ گوَشگ بوتنت.

کاسِدانی کار 11:27

هما رۆچان، لهتێن نبی چه اورشَلیما اَنْتاکیَها آتک.

کاسِدانی کار 15:2

پولُس و بارنابایا، اے سرهالئے سرا گۆن آیان دَپجاک کرت و سکّ ناتِپاک بوتنت. گڑا شئورِش کرت که پولُس و بارنابا گۆن دگه لهتێنا، اورشَلیما برئونت و گۆن کاسِد و کماشان اے جێڑهئے بارئوا هبر بکننت.

کاسِدانی کار 15:22

گڑا گۆن سَرجمێن کِلیسایا هۆریگا، کاسِد و کماشان شئور کرت که چه وتی نیاما لهتێن مردم گچێن بکننت و پولُس و بارنابائے همراهیا اَنْتاکیَها رئوان بدئینت. آیان چه وتی نێمگا یَهودا که بَرسابا گوَشگ بوتگ‌اَت و سیلاس، گچێن کرتنت که براتانی نیاما، اے دوێن سرۆکێن مردم اَتنت.

کاسِدانی کار 18:22

مان کئیسَریَها اێر آتک و اورشَلیما شت و چه اۆدئے کِلیسائے گِند و نِندا رند، پدا اَنْتاکیَها شت.

کاسِدانی کار 6:5

اے شئور، سجّهێنان دۆست بوت و اے مردمِش گچێن کرتنت: اِسْتیپان که چه ایمان و پاکێن روها پُرّ اَت، پیلیپُس، پْروکورُس، نیکانور، تیمون، پارمیناس و اَنْتاکیَهئے یَهودی بوتگێن باوَرمند نیکولاس.

کاسِدانی کار 8:14

وهدے اورشَلیما، کاسِدان هال رَست که سامِریان هُدائے هبر مَنّتگ‌اَنت، گڑا آیان پِتْرُس و یوهَنّا همۆدا راه داتنت.

کاسِدانی کار 9:27

بله بارنابایا وتی همراه کرت و کاسِدانی کِرّا برت، آ سهیگ کرتنت که چِه پئیما شاوولا دَمِشْکئے راها هُداوند دیستگ و هُداوندا گۆن آییا گپّ و تْران کرتگ. بارنابایا اے هال هم دات که شاوولا دَمِشْکئے شهرا چِه پئیما گۆن دِلێری په ایسّائے ناما واز کرتگ.

په گَلاتیان پولُسئے کاگد 2:11

وهدے کێپا اَنْتاکیَها آتک، من پمێشکا آییئے جندئے دێما، آییئے هلاپا پاد آتکان که آ مئیاریگ اَت.

په تِسالونیکیان پولُسئے ائولی کاگد 3:6

بله تیموتاووس نۆکی چه شمئے کِرّا واترّ بوتگ و مئے کرّا آتکگ و شمئے باور و مِهرئے بارئوا وشّێن هالے گۆن اِنتی. مارا گوَشتی که شما مُدام مارا په شَرّی یاتَ کنێت و شمارا په مئے دیدارا زهیرَ کنت، اَنچُش که مارا په شما زهیرَ کنت.