کاسِدانی کار 10:45 - هُدائے پاکێن کتاب، بلۆچی زبانا

⁴⁵ پِتْرُسئے همراهیا آتکگێن باوَرمندێن یَهودی هئیران بوتنت که هُدائے پاکێن روه، په درکئومان هم تُهپه و ٹێکی دئیگ بوت.

کاسِدانی کار 10:45 Кръстосани препратки

کاسِدانی کار 10:23

پِتْرُسا آ مردم لۆگا آورت و مهمان کرتنت. دومی رۆچا، آیانی همراه بوت و شت. چه یاپایا لهتێن وتبراتێن باوَرمند هم گۆن آیان گۆن کپت و شتنت.

کاسِدانی کار 11:2

وهدے پِتْرُس پِر ترّت و اورشَلیما آتک، یَهودیان آییئے سرا اے ایراز گپت که

کاسِدانی کار 11:3

”تئو سُنّت نکرتگێن درکئومانی گوَرا شتگئے و گۆن آیان یکّێن پَرزۆنَگئے سرا ورگ وارتگ.“

کاسِدانی کار 2:33

آ، هُدائے راستێن نێمگا بُرزاد برگ بوت. چه پتا، واده داتگێن پاکێن روه آییا رَست و هما ڈئولا که شما گِندگ و اِشکنگا اێت، نون پاکێن روهی بێکِساس بَکشتگ.

کاسِدانی کار 2:38

پِتْرُسا گۆن آیان گوَشت: ”چه وتی گناهان پشۆمان ببێت و تئوبه بکنێت و چه شما هرکَس ایسّا مَسیهئے ناما پاکشۆدی بکنت، تانکه هُدا شمئے گناهان ببَکشیت. آ وهدا شمارا هُدائے پاکێن روه، تُهپه و ٹێکیَ رسیت.

پولُسئے کاگد په رومیان 5:5

اُمێت مارا دلپرۆش بئیگا نئیلیت، چێا که هُدائے مِهر مئے دلا اێر رێچگ بوتگ، چه هما پاکێن روهئے راها که مارا بَکشگ بوتگ.

په گَلاتیان پولُسئے کاگد 2:15

ما پێدائِشی یَهودی اێن و چه ”گُنهکارێن درکئومان“ نه‌اێن،