کاسِدانی کار 1:6 - هُدائے پاکێن کتاب، بلۆچی زبانا

⁶ وهدے مرید ایسّائے کِرّا مُچّ بوتنت، چه آییا جُستِش کرت: ”او هُداوند! بارێن آ وهد همِش اِنت که تئو بادشاهیا پدا په اِسراییلا پِرَ تَرّێنئے؟“

کاسِدانی کار 1:6 Кръстосани препратки

پێدایش 49:10

بادشاهی اَسا چه یَهودائے دستا نرئوت و هاکمیئے دَزلَٹّ چه آییئے پادانی دێما دورَ نبیت تان هما وهدا که اَسلیگێن واهُندَ کئیت و کئوم آییئے پرمانبردارَ بنت.

دانیال 7:27

پدا بادشاهی، هاکمی و آسمانئے چێرئے سجّهێن بادشاهیانی شئوکت و مزنی، بُرزێن اَرشئے هُدائے پاکێن مردمان دئیگَ بیت. هُدائے بادشاهی اَبدی بادشاهیے بیت و سجّهێن بادشاهی و مُلک، هُدائے هِزمت و پرمانبرداریا کننت.‘

مَتّا 17:11

پَسّئوی دات: ”اِلیاسَ کئیت و سجّهێن کاران گوَم و گێگَ کنت.

مَتّا 20:21

ایسّایا چه آییا جُست کرت: ”بگوَش، چے لۆٹئے؟“ گوَشتی: ”وهدے تئیی بادشاهیَ کئیت، لَبز کن که منی دوێن چُکّان گۆن وتَ نندارێنئے، یکّێا وتی راستێن و دومیا چپّێن نێمگا.“

مَتّا 24:3

هما وهدا که ایسّا زئیتونئے کۆهئے سرا نِشتگ‌اَت، آییئے مرید په هلوَت و اِهوتے آتکنت و جُستِش کرت: ”بگوَش بارێن، اے پرُشت و پرۆش کدێنَ بیت و تئیی بادشاهیئے آیگ و دنیائے هلاسیئے نشانی، چے اِنت؟“

مَرکاس 9:12

ایسّایا پَسّئو دات: ”شَریَتئے زانۆگرانی هبر راست اِنت که مَسیهئے آیگا پێسر، اِلیاس نبی پدا کئیت و سجّهێن کاران گوَم و گێگَ کنت. بله آسمانی کتابان په چے چُش آتکگ که انسانئے چُکّ باید اِنت باز سکّی و سۆری بسگّیت و مردم آییا ممَنّنت؟

لوکا 17:20

یکّ رۆچے، لهتێن پَریسیا چه ایسّایا جُست کرت: ”هُدائے بادشاهی کدێنَ کئیت؟“ ایسّایا گوَشت: ”هُدائے بادشاهی چَمزاهرا گِندگَ نبیت.

لوکا 19:11

هما وهدا که مردم ایسّائے هبران گۆش دارگا اَتنت، ایسّایا گێش کنان مِسالے آورت. چێا که آ اورشَلیمئے نزّیکّا رَستگ‌اَت و مردمانی گُمان اِش اَت که هُدائے بادشاهی هما وهدا پَدّرَ بیت.

لوکا 22:29

هما ڈئولا که پتا منا بادشاهی بَکشتگ، من هم آییا شمارا بکْشان

یوهَنّا 21:21

وهدے پِتْرُسئے چمّ په آ مُریدا کپتنت، چه ایسّایا جُستی کرت: ”او هُداوند! اِشیئے آسر و آکبت چے بیت؟“