په تیموتاووسا پولُسئے دومی کاگد 3:1 - هُدائے پاکێن کتاب، بلۆچی زبانا

¹ اے گپّا بزان، که آهری زمانگان گْرانێن وهدَ کاینت.

په تیموتاووسا پولُسئے دومی کاگد 3:1 Кръстосани препратки

پێدایش 49:1

آکوبا وتی چُکّ گْوانک جت و گوَشتنت: ”یکجاه بێت، من شمارا گوَشان که آیۆکێن رۆچان چے بیت.

دانیال 10:14

نون من تئیی سرپد کنگا آتکگان که گۆن تئیی کئوما دێمترا چے بیت، چێا که شُبێن آیۆکێن وهدئے بارئوا اِنت.“

دانیال 11:36

پدا بادشاه وتی دلئے تبا کارَ کنت و وتا چه سجّهێن هُدایان بُرزتر و پُرمڑاهترَ گِندیت و هُدایانی هُدائے هِلاپا اَنچێن هبرَ کنت که مردم هئیرانَ بنت. تان هما وهدا کامیابَ مانیت که گَزبئے وهد سَرجم نبوتگ. هما چیزّ که بئیگی اَنت، اَلّمَ بنت.

دانیال 12:11

چه هما وهدا که هر رۆچیگێن کُربانیگ بند کنگ و ’پلیت و بێران کنۆکێن بَژّناک‘ مِکّ کنگَ بیت، یکّ هزار و دو سد و نئوَد رۆچَ بیت.

دانیال 12:7

گڑا من هما لیلُم‌پۆشێن مردئے تئوار اِشکت که کئورئے آپئے سربرا اَت. آییا وتی راستێن و چپّێن دست آسمانئے نێمگا چِست کرتنت و هماییئے سئوگندی وارت که تان اَبد زندگ اِنت. گوَشتی: ”وهدێا، وهدان و نێم وهدا و رَند سَرجمَ بیت، هما وهدا که هُدائے پاکێن مردمانی زۆر و واکَ پرُشیت. نون اے سجّهێن چیزّ پوره و سَرجمَ بنت.“

دانیال 7:8

من اِشیئے کانٹانی بارئوا جێڑگا اَتان، دیستُن اِشانی نیاما دگه کَسانێن کانٹے در آتک و چه جانوَرئے ائولی کانٹان سئے کانٹ اِشیئے دێما چه بُنا گْوجگ بوت. من دیست که اے کانٹا مردمی چمّئے پئیمێن چمّ پِر اَت و دپے پِر اَتی که بٹاک جنَگا اَت.

په تیموتاووسا پولُسئے دومی کاگد 4:3

چێا که یَکّ وهدے کئیت که مردم راستێن تالیما بَرداشتَ نکننت و وتی چپّ و چاگردا انچێن تالیم دئیۆکانی مزنێن رُمبے مُچَّ کننت که آیانی دلئے هبرا بکننت.

پِتْرُسئے دومی کاگد 3:3

چه هر چیزّا پێسر بزانێت که آهری زمانگان، مَسکرا و ریشکند کنۆکێن مردم جاهَ جننت که وتی سِلّ و بدێن واهگانی رَندگیر اَنت.

یوهَنّائے ائولی کاگد 2:18

او چُکّان! نون گُڈّی دمان و ساهت اِنت. هما دابا که شما اِشکتگ، ”مَسیهئے دژمن“ پێداک اِنت، همے انّون هم مَسیهئے بازێن دژمنے آتکگ و چه همِشیا زانێن که ساهت، گُڈّی ساهت اِنت.

یَهودائے کاگد 1:17

جی، او دُردانگان! شما مئے هُداوند ایسّا مَسیهئے کاسِدانی پێشگۆییان وتی یاتا بدارێت

یَهودائے کاگد 1:18

که شمارا گوَشتِش: ”گُڈّی زمانگا، اَنچێن ریشکند کنۆک ودیَ بنت و کاینت که وتی بێهُدایی و سِلّ و بدێن واهگانی رَندگیر اَنت.“