په تیموتاووسا پولُسئے دومی کاگد 2:10 - هُدائے پاکێن کتاب، بلۆچی زبانا

¹⁰ گڑا هُدائے گچێن کرتگێنانی هاترا من هر چیزَّ سگّان که آیان هم نجات برسیت. اے نجات و اِشیئے ابدمانێن شان و شئوکت ایسّا مَسیهئے سرا ایمان آرگئے برکتا رسیت.

په تیموتاووسا پولُسئے دومی کاگد 2:10 Кръстосани препратки

مَتّا 24:22

اگن آ سکّیانی رۆچ کمتر کنگ مبوتێننت، هچّ مردمے نرَکّتگ‌اَت، بله په گچێن کرتگێنانی هاترا، آ رۆچ کمتر کنگَ بنت.

مَتّا 24:24

چێا که درۆگێن مَسیه و درۆگێن نبی جاهَ جننت و مزنێن نشانی و اَجِکّایی پێشَ دارنت. وتی سجّهێن زۆرا جننت که گچێن کرتگێنان هم گُمراه بکننت.

مَتّا 24:31

گۆن کَرنائے بُرزێن تئوارا وتی پرێشتگان راهَ دنت که آییئے گچێن کرتگێن مردمان، چه دنیائے چارێن کُنڈان، بزان چه زمینئے هَند و دَمگان تان آسمانئے گُڈّی مرز و سیمسران، مُچّ و یکجاه بکننت.

لوکا 18:7

نون بارێن هُدا گۆن وتی گچێن کرتگێنان، که شپ و رۆچ گۆن آییا په وتی هَکّا پریاتَ کننت، هَکَّ نکنت؟ په آیانی هَکرَسیا دێرَ کنت؟

لوکا 22:57

بله پِتْرُسا نمَنّت و گوَشتی: ”او جنێن! من آییا نزانان.“

یوهَنّا 11:52

تهنا آ کئومئے جاها نمریت، هُدائے سجّهێن شِنگ و شانگێن چُکّانی جاها مریت تانکه آیان یکجاه و یکراه بکنت.

یوهَنّا 17:24

او پت! منَ لۆٹان که هما مردم که تئو منا داتگ‌اَنت، همۆدا گۆن من یکجاه ببنت که من آن تانکه هما شئوکتا بگندنت که تئو منا داتگ، چێا که چه جهانئے جۆڑ بئیگا پێسر هم تئو منا دۆست داشتگ.

یوهَنّا 17:9

من په اِشان دْوا کنان، په سجّهێن جهانا دْوا نکنان. من په هما مردمان دْوا کنان که تئو منا داتگ‌اَنت، چێا که تئییگ اَنت.

پولُسئے کاگد په رومیان 2:7

هما که گۆن سبر و اۆپار، نێکێن کارانی سرا مُهر اۆشتاتگ‌اَنت و شئوکت، ازّت و نمیرانیئے رَندا اَنت، آیان نمیرانێن زِندَ بَکشیت.

پولُسئے کاگد په رومیان 9:23

گڑا چے؟ بلکێن آییا چُش کرتگ تان وتی شان و شئوکتا هما مردمان پێش بداریت که آییئے رَهمتئے چێرا اَنت، هما مردم که هُدایا پێسرا په شان و شئوکتا تئیار کرتگ‌اَنت.

په تِسالونیکیان پولُسئے ائولی کاگد 5:9

چێا که هُدایا مارا په گَزبئے سگّگا گچێن نکرتگ، مارا گچێنی کرتگ که وتی هُداوندێن ایسّا مَسیهئے برکتا بِرَکّێن.

په تِسالونیکیان پولُسئے دومی کاگد 2:14

په اے کارا، هُدایا شمارا مئے وشّێن مِستاگئے برکتا تئوار کرتگ که شما مئے هُداوندێن ایسّا مَسیهئے شان و شئوکتا بَهرَمند ببێت.

په تیموتاووسا پولُسئے دومی کاگد 1:1

چه پولُسئے نێمگا، منِ پولُس که چه هُدائے رزایا ایسّا مَسیهئے کاسِدے آن تانکه هما زِندئے کئول و وادهئے جارا بجنان که چه ایسّا مَسیها رسیت،

په تیموتاووسا پولُسئے دومی کاگد 2:1

او منی چُکّ! گڑا تئو هما رهمتئے برکتا که مارا چه ایسّا مَسیهئے نێمگا رسیت، وتا مُهر و مُهکم بدار.

په تیموتاووسا پولُسئے دومی کاگد 2:3

ایسّا مَسیهئے شرّێن سپاهیگێئے پئیما سکّی و سۆریانی سگّگا گۆن بئے.

په تیتوسا پولُسئے کاگد 1:1

چه پولُسئے نێمگا، منِ پولُس که هُدائے هزمتکار و ایسّا مَسیهئے کاسدے آن که هُدائے گچێن کرتگێنانی ایمانا مُهتِر بکنان و آیانی راستیئے زانتا دێما ببران، هما راستی که دێم په هُداتُرسیا رهشۆنَ بیت.

پِتْرُسئے ائولی کاگد 2:10

پێسرا شما کئومے نه‌اتێت بله انّون هُدائے کئوم اێت. پێسرا شمارا هُدائے رهمت نرَستگ‌اَت بله انّون آییئے رهمت شمارا گۆن اِنت.

پِتْرُسئے ائولی کاگد 5:10

نون هُدا، که سجّهێن رهمتانی مالک اِنت و شمارا چه مَسیهئے راها دێم په هما اَبدمانێن شئوکتا گْوانکی جتگ، شمئے کمّێن سکّی و سۆرێئے سگّگا رند، شمارا نۆکسرا توانَ دنت، مُهر و مُهکمَ کنت و پایداری و زۆرَ بَکشیت.