په تیموتاووسا پولُسئے دومی کاگد 1:4 - هُدائے پاکێن کتاب، بلۆچی زبانا

⁴ تئیی اَرسانی تْرانگا که کپان، منا په تئیی دیدارا زهیرَ کنت که ترا بگِندان و گَلا بال ببان.

په تیموتاووسا پولُسئے دومی کاگد 1:4 Кръстосани препратки

زَبور 126:5

هما که اَرس رێچانا کِشت و کِشارَ کننت، په شادهی کوکّار کنانا رُننت.

یوهَنّا 16:22

شما هم نون همے ڈئولا گمیگ اێت، بله من شمارا پدا گندان و آ وهدی شما گَلَ بێت و شمئے وشّیا هچکَس پَچ گپتَ نکنت.

یوهَنّا 16:24

تان اے وهدی شما هچّ چیزّ منی نامئے سرا نلۆٹتگ، بلۆٹێت تانکه شمارا برسیت و شمئے شادمانی سَرجم ببیت.

کاسِدانی کار 20:19

من اَرس رێچان و په بێکِبری و دربێشی هُداوندئے هِزمتکاری کرتگ و یَهودیانی پَندلانی سئوَبا بازێن سکّی و سۆری سَگّتگ.

کاسِدانی کار 20:31

پمێشکا هُژّار بێت و یات بکنێت که تان سئے سالا، من شپ و رۆچ په شما گرێتگ و شمارا ڈاه داتگ.

پولُسئے کاگد په رومیان 1:11

چێا که شمارا گِندگَ لۆٹان، تان په شما روهانیێن ٹێکیے برسێنان که شمارا مُهر و مُهکم بکنت،

په پیلیپیان پولُسئے کاگد 1:8

هُدا شاهد اِنت که من شما سَجّهێنان اَنچۆ دۆستَ داران که ایسّا مَسیه شمارا دۆستَ داریت و منا په شما سکّ زهیرَ کنت.

په پیلیپیان پولُسئے کاگد 2:26

چێا که آ، په شما سجّهێنانی دیدارا هدۆناک اِنت. پرێشان اِنت که شما آییئے نادراهیئے هالا سهیگ بوتگێت.

په تِسالونیکیان پولُسئے ائولی کاگد 2:17

براتان! ما که په کَمّێن وهدێا چه شما جتا بوتێن، بلّ که دێم په دێم نه‌اَتێن بله دل وَه هئوار اَتنت، دِلبُرّێن زهیران مارا هر پئیمێن جُهد پرمات که پدا گۆن شما دێم په دێم ببێن.

په تیموتاووسا پولُسئے دومی کاگد 4:21

زوتّ کن و چه زمستانا پێسر وتا اِدا سر کن. یوبولوس ترا سلام کنگا اِنت، اَنچُش هم پودِنس و لینوس و کْلادیا و سجّهێن برات.

په تیموتاووسا پولُسئے دومی کاگد 4:9

زوتّ کن و وتا په من سر کن.

یوهَنّائے ائولی کاگد 1:4

ما اِشیا په شما نبیسێن تانکه مئےشمئے شادمانی پوره و سَرجم ببیت.

اِلهام 21:4

هُدا چه آیانی چمّان هر اَرسێا پَهکَ کنت. مرک نون پَشتَ نکپیت و نه پُرس و نه زاری و نه دردَ بیت، چێا که پێسریگێن چیزّ گوَستگ‌اَنت.“

اِلهام 7:17

چێا که تَهتئے نیاما اۆشتاتگێن گوَرانڈ، اِشانی شپانکَ بیت و اِشان زِنداپئے چَمّگانی راها پێشَ داریت و هُدا چه اِشانی چمّان هر اَرسا پَهکَ کنت.“