په تیموتاووسا پولُسئے دومی کاگد 1:13 - هُدائے پاکێن کتاب، بلۆچی زبانا

¹³ هرچے که تئو چه من اِشکُتگ، اے راستێن تالیم اَنت، اِشان وتی کِرّا بدار و په ایمان و مِهر اِشانی سرا کار کن، چێا که تئو ایسّا مَسیهئے راها ائے.

په تیموتاووسا پولُسئے دومی کاگد 1:13 Кръстосани препратки

پولُسئے کاگد په رومیان 2:20

اگن هما شَریَتئے سئوَبا که زانت و راستیئے جئوهر اِنت جاهلانی تالیم دئیۆک و کۆدکانی استاد ائے،

پولُسئے کاگد په رومیان 6:17

بله هُدائے شُگر اِنت، هرچُنت پێسرا گناهئے گُلام اتێت، نون شما په سِتکِ دل هما تالیمئے پَرمانبرداری کرتگ که آییئے سپرده بوتگێت.

په پیلیپیان پولُسئے کاگد 1:27

تُرے هرچے ببیت، وتی زِندا اَنچُش بگوازێنێت که مَسیهئے وشّێن مِستاگا بکرزێت. گڑا اگن من شمئے چارگا بیایان یا چه شما دور ببان، بَسّ سهیگ ببان که شما یَکدل و یکجان اێت و مُهر اۆشتاتگێت و په وتی باوَرا، بزان په وشّێن مِستاگا په همدلی جُهد کنگا اێت و

په پیلیپیان پولُسئے کاگد 4:9

هرچے که شما چه من در برتگ و شمارا رَسِتگ، هرچے که شما چه من اِشکتگ و دیستگ، هما وڑ بکنێت. اے ڈئولا اێمنی بَکشۆکێن هُدا شمئے همراهَ بیت.

په تِسالونیکیان پولُسئے ائولی کاگد 5:21

بله هر چیزّا بچکّاسێت و هما که شَرّ اِنت، هماییا وتی کرّا بدارێت.

په تیموتاووسا پولُسئے ائولی کاگد 1:10

په سْیَه‌کاران، په لئوات‌کاران، په گُلامانی تاجِران، په درۆگبند و درۆگێن سئوگند ورۆکان و په اے دگه هما مردمان جۆڑ کنگ بوتگ که راستێن تالیمئے هلاپ اَنت.

په تیموتاووسا پولُسئے ائولی کاگد 1:14

هئو، مئے هُداوندئے رهمتان منی سرا بێکساس گوَرت. منا چه هما ایمان و مِهرا سَررێچی کرت که چه ایسّا مَسیهئے نێمَگا رسنت.

په تیموتاووسا پولُسئے ائولی کاگد 6:3

اگن کسے رَدێن تالیم بدنت و چه مئے هُداوندێن ایسّا مَسیهئے راستێن هبران و هُداتُرسیئے تالیما دور ببیت،

په تیموتاووسا پولُسئے دومی کاگد 1:1

چه پولُسئے نێمگا، منِ پولُس که چه هُدائے رزایا ایسّا مَسیهئے کاسِدے آن تانکه هما زِندئے کئول و وادهئے جارا بجنان که چه ایسّا مَسیها رسیت،

په تیموتاووسا پولُسئے دومی کاگد 1:14

هما وَشّێن مستاگ که تئیی اَمانَت اِنت، گۆن پاکێن روهئے کُمَکّا، آییئے نگهپانیا بکن، هما پاکێن روه که مئے تها زندگ اِنت.

په تیموتاووسا پولُسئے دومی کاگد 2:2

هرچے که من بازێن شاهدێئے دێما گوشتگ و تئو اِشکُتگ، اے تالیمان اَنچێن پُراِهتبارێن مردمانی سپرده بکن که دگران تالیم دات بکننت.

په تیموتاووسا پولُسئے دومی کاگد 3:14

بله هما چیزّ که تئو در بُرتگ‌اَنت و ترا آیانی سرا یَکین اِنت، آیان برجاه بدار چێا که تئو زانئے که اے چیزّ تئو چه کُجام مردمان در بُرتگ‌اَنت.

په تیموتاووسا پولُسئے دومی کاگد 4:3

چێا که یَکّ وهدے کئیت که مردم راستێن تالیما بَرداشتَ نکننت و وتی چپّ و چاگردا انچێن تالیم دئیۆکانی مزنێن رُمبے مُچَّ کننت که آیانی دلئے هبرا بکننت.

په تیتوسا پولُسئے کاگد 1:9

کماشا هما پُراِهتبارێن تالیم که دئیگ بوتگ، باید اِنت آییئے سرا مُهر بۆشتیت تانکه آ دگران گۆن شرّێن تالیما دلبڈّی دات بکنت و هما که اے تالیمئے هلاپ اَنت، آیان سرپد کرت بکنت که آ رد اَنت.

په تیتوسا پولُسئے کاگد 2:1

هما چیزّانی تالیما بدئے که گۆن راستیا همدَپ اَنت.

په تیتوسا پولُسئے کاگد 2:8

تئیی هبر و بئیان راست ببنت که کسّ آیانی تها رَدیے در گێتک مکنت و تئیی بَدواه پَشل و شرمندگ ببنت و مئے هلاپا هچّ بدێن هبرے کرت مکننت.

یَهودائے کاگد 1:3

او دُردانگان! واهگدار اَتان په شما هما رَکّگئے بارئوا بنبیسان که ما سجّهێن آییئے شریکدار اێن. بله من زلورت دیست که گۆن اے چیزّانی نبیسگا، شمئے دلا شئوک پێدا بکنان تان په هما باوَرا جُهد بکنێت که یکّ رندے پَلگارتگێنان دئیگ بوتگ و تان اَبد گۆن ماشما گۆنَ بیت.

اِلهام 2:25

بله هما چیزّانی سرا که شما وتا مُهر داشتگ، تان منی آیگا وتا اَنچُش بدارێت.“

اِلهام 3:11

من زوتّ پێداک آن. هرچے که ترا هست، مُهرِش بدار تانکه کَسّ تئیی تاجا پَچ مگیپت.

اِلهام 3:3

گڑا تئوبه کن و هرچے که ترا رَستگ و تئو اِشکتگ یاتِش کن و مُهرِش بدار. اگن آگه نبوتئے، من دُزّکاییَ کایان و تئو هچّ سرپدَ نبئے که من چِه وهدا په تئو کایان.