په تیموتاووسا پولُسئے ائولی کاگد 6:4 - هُدائے پاکێن کتاب، بلۆچی زبانا

⁴ آ گُروناک اِنت و هچّ سرپدَ نبیت. آییا نٹَهگ و لبز و مانایانی سرا اَڑ و کُڑ کنگ وَشَّ بیت و اے نادراهیے. اِشیئے آسر هما مردمانی نیاما هَسَدّ، سِست و سێد، بُهتام‌جَی، بدگُمانی و

په تیموتاووسا پولُسئے ائولی کاگد 6:4 Кръстосани препратки

کاسِدانی کار 15:2

پولُس و بارنابایا، اے سرهالئے سرا گۆن آیان دَپجاک کرت و سکّ ناتِپاک بوتنت. گڑا شئورِش کرت که پولُس و بارنابا گۆن دگه لهتێنا، اورشَلیما برئونت و گۆن کاسِد و کماشان اے جێڑهئے بارئوا هبر بکننت.

کاسِدانی کار 18:15

بله شمئے جێڑه، لَبز و نام و شمئے یَهودی شَریَتئے بارئوا اِنت، پمێشکا شما بزانێت و شمئے کار. من اے کارانی تها پاد مانَ نکنان.“

کاسِدانی کار 8:9

همے شهرا، شَمون نامێن مردے سِهر و جادوگری کنگا اَت و سامِرَهئے مردمی هئیران و اَجکّه کرتگ‌اَتنت. آییا بٹاکَ جت و گوَشت: ”من مزنێن مردے آن.“

پولُسئے کاگد په رومیان 12:16

گۆن یکدومیا په همدلی و همسِتکی زِند بگوازێنێت. پَهر و شان مکنێت، گۆن کمترێنان همراه ببێت و وتا باز اگلمند مزانێت.

پولُسئے کاگد په رومیان 13:13

بیاێت شرپدارێن زِندے بگوازێنێن، هما زِند که رۆچئے رُژناییا گوازێنگَ بیت، چُشێن زِندے مگوازێنێن که په ایّاشی، هنۆش و ملار، وئیلانکی، لَنڈری، پَسات و هَسَدّ ببیت.

پولُسئے کاگد په رومیان 14:1

نِزۆرێن باورمندا وشّاتک کنێت و بزورێت و نگیشّتگێن هبرانی سرا گۆن آییا جێڑه مکنێت.

پولُسئے کاگد په رومیان 2:8

بله په وَتواه و هما مردمان وتی کَهر و گَزبا گوارێنیت که هَکّ و راستیئے بدلا بَدکاریئے رَندگیر اَنت.

په گَلاتیان پولُسئے کاگد 5:15

شما یکدومیا چیلّێنگ و ورَگا اێت، بچارێت، یکدومیئے دستا تباه مبێت.

په گَلاتیان پولُسئے کاگد 5:26

ما باید اِنت وَتگَلا و وَتپَسند مبێن، یکدومیا سۆکلۆ مدارێن و گۆن یکدومیا هسدّ مدارێن.

په گَلاتیان پولُسئے کاگد 6:3

اگن کَسے وتا مزنَ لێکیت بله هچّے نه‌اِنت، آ وتا رَد دئیگا اِنت.

په پیلیپیان پولُسئے کاگد 1:15

اے راست اِنت که لهتێن چه زِدّ و هَسَدّا مَسیهئے پئیگاما جار جنَگا اِنت، بله دگه لهتێن اے کارا په دل و سِتک کنگا اِنت.

په پیلیپیان پولُسئے کاگد 2:14

هرچے که کنێت، بے نُرُنڈگ و بے دَپجاکا بکنێتی

په پیلیپیان پولُسئے کاگد 2:3

هچّ کارے په وتواهی و وتپسُندی مکنێت. په بێکِبری و دربێشی دگران چه وت بُرزتر سرپد ببێت.

په تِسالونیکیان پولُسئے دومی کاگد 2:4

آ هُدائے هلاپا اۆشتیت و وتا چه هما سجّهێن چیزّان بالاتِرَ کنت که هُدائے نامِش پِر اِنت یا پَرستش کنگَ بنت. گُڈسرا وت هُدائے پرستشگاها نندیت و جارَ جنت که هُدا من آن.

په تیموتاووسا پولُسئے ائولی کاگد 1:4

وَتگَڑێن کسّه و هلاس نبئیۆکێن سر و بُنانی نێمگا هم دِلگۆش مکننت. اے چیزّ هُدائے کارئے دێما برگئے بدلا اَڑ و کُڑ اَڈَّ کننت، چێا که هُدائے کار چه ایمانئے راها دێما رئوت.

په تیموتاووسا پولُسئے ائولی کاگد 1:7

اے مردم شَریَتئے زانۆگر بئیگَ لۆٹنت بله نزاننت که چے گْوشگا اَنت و هما چیزّانی بارئوا که په دلجمی هبرَ کننت، آ چیزّانی جندا هم سرپد نه‌اَنت.

په تیموتاووسا پولُسئے ائولی کاگد 3:6

کلیسائے کماش باید اِنت نۆک‌باوَرے مبیت. چۆ مبیت که گروناک ببیت و هما پئیما مئیاربار ببیت که شئیتان بوت.

په تیموتاووسا پولُسئے دومی کاگد 2:14

باوَرمندان مدام اے چیزّانی ترانگا بگێج. هُدایا شاهد کن و آیان هبردار کن که لبز و مانایانی سرا جنْگ مکنێت. اے چیزّان هچّ اَرزش نێست، هُشکا گۆش دارۆکانی ایمانا تَباهَ کننت.

په تیموتاووسا پولُسئے دومی کاگد 2:23

ترا گۆن اَهمَک و ناسرپدێن گپّان کار مبیت، چێا که تئو زانئے که اے گپّ، اَڑ و کُڑ پادَ کننت.

په تیموتاووسا پولُسئے دومی کاگد 3:4

درۆهۆک، بێپرواه و پُرکِبرَ بنت و هُدائے بدلا ائیش و نۆشا دۆستَ دارنت.

په تیتوسا پولُسئے کاگد 3:9

چه بێسرێن اَڑ و کُڑان و مُپتێن سر و بُن کنگان و چه دپجاک و شَریَتئے بارئوا جنگ و جێڑهان وتا دور بدار، چێا که اے بێمانا و بێپائدگێن گپّ اَنت.

آکوب 1:19

او منی دُردانگان! شَرّ دلگۆش بکنێت. هرکَس باید اِنت اِشکنگا تئیار ببیت، بله هبرا اِشتاپ مکنت و زوتّ زَهر مگیپت.

پِتْرُسئے دومی کاگد 2:12

اے مردم ناسرپد و بێزبانێن جانوَرانی پئیما اَنت. هما کارانَ کننت که آیانی سَرِشتَ گوَشیت و تهنا په گِرگ و کُشگا پێدا بوتگ‌اَنت. هما کارانی سرا مسکرا و ریشکندَ کننت که سرپدِشَ نبنت و جانوَرانی پئیما گار و بێگواهَ بنت.

پِتْرُسئے دومی کاگد 2:18

اے، بَٹاکَ جننت و هبرِش پوچ و هالیگ اَنت. هما مردمان گۆن جسمی بدێن واهگان پرێبَ دئینت و وتی داما پِرّێننت که نۆکی چه رَدکارانی دستا رَکّتگ‌اَنت.

یَهودائے کاگد 1:10

بله اے، هما چیزّانی سُبکّی و بێهُرمتیا کننت که آیانی بارئوا هچَّ نزاننت. اے مردم ناسرپد و بێزبانێن جانوَرانی پئیما، وتی سَرِشتئے رندا کپنت و اے پئیما گار و بێگواهَ بنت.

یَهودائے کاگد 1:16

اے مردم، گلّه‌گزار، ایرازگِر و وتی بدکاری و سِلّێن واهگانی بُڈّتگێن اَنت، په وت پهرَ بندنت و په وتی نپ و سوتّان گۆن چاپلوسی و چَرپ‌زبانی مردمان ستا کننت.

اِلهام 3:17

تئو گوَشئے که ”من هستۆمند آن، من مال و دئولت کَٹّتگ و منا هچّ چیزّئے زلورت نه‌اِنت،“ بله تئو سرپد نه‌ائے که بدهال، بزّگ، نێزگار، کۆر و جاندر ائے.