په تیموتاووسا پولُسئے ائولی کاگد 5:14 - هُدائے پاکێن کتاب، بلۆچی زبانا

¹⁴ گڑا په کَسانێن جنۆزامان منی شئور و سَلاه همِش اِنت که آ سور و آرۆس بکننت، چُکّ بیارنت و وتی لۆگانی هئیالداریا بکننت که دژمن آیان بُهتام جت مکنت.

په تیموتاووسا پولُسئے ائولی کاگد 5:14 Кръстосани препратки

پێدایش 18:6

اِبراهێم اِشتاپ اِشتاپا سارَهئے کِرّا گِدانا شت و گوَشتی: ”زوتّ کن، سئے کیاس شَرّێن آرت بزور، تَرِّش کن و نگن بِپَچ.“

پێدایش 18:9

آیان جُست گپت: ”تئیی لۆگی سارَه کجا اِنت؟“ اِبراهێما پَسّئو دات: ”اۆدا گدانئے تها اِنت.“

دانیال 6:4

گڑا اے دگه سروزیر و والی دانیالئے هکومتی کارانی تها رَدی شۆهاز کنگا لگّتنت، بله آیان په دانیالئے اێر جنگ و مئیاریگ کنگا هچّ نیمّونے دست نکپت. آ، وپادارے اَت، چه وتی کاران نادلگۆش نه‌اَت و نه که سِلکاریے کرتی.

پولُسئے کاگد په رومیان 14:13

بیاێت چه اِد و رند یکدومیئے هُکما مبُرّێن. اِشیئے بدلا، وتی دلا شئور بکنێت که آ دگه براتانی پادْراها مان گیشّێنۆکێن ڈۆک اێر مکنێت و بند مبندێت.

په تیموتاووسا پولُسئے ائولی کاگد 2:8

منَ لۆٹان که مردێن زهر گرگ و جاک و جێڑهان یله بدئینت و هر جاگه پاک و پلگارێن دستان بُرز بکننت و دْوا بلۆٹنت.

په تیموتاووسا پولُسئے ائولی کاگد 4:3

اے درۆگبند، مردمان چه سور و آرۆسا منَه و مکنَ کننت و لهتێن وراکئے نئوَرگئے هُکما دئینت، هما وراک که هُدایا جۆڑ کُرتگ‌اَنت که باوَرمند، بزان راستیئے زانۆکِش په شُگرگُزاری بوَرنت.

په تیموتاووسا پولُسئے ائولی کاگد 5:11

کَسترێن جنۆزامانی نامان هئوار مکنێت، چێا که وهدے آیانی جسمی واهگ هما وپائے سرا که گۆن مَسیها هست‌اِنتِش، بالادستَ بنت، آ سور و سانگ کنگَ لۆٹنت.

په تیموتاووسا پولُسئے ائولی کاگد 6:1

هما مردم که گُلامیئے جُگئے چێرا اَنت، باید اِنت بزاننت که آیانی واجه سرجمێن شرپئے لاهک اَنت. اے پئیما هُدائے نام و ایمانئے تالیم بُهتام جنگَ نبنت.

په تیتوسا پولُسئے کاگد 2:5

چۆن داشتِش ببیت و پاک و پارسا ببنت، چۆن وتی لۆگئے کاران دلگۆش ببنت، چۆن مهربان و وتی لۆگواجهانی پرمانبردار ببنت تانکه کسّ هُدائے هبر بُهتام جنَگ مبیت.

په تیتوسا پولُسئے کاگد 2:8

تئیی هبر و بئیان راست ببنت که کسّ آیانی تها رَدیے در گێتک مکنت و تئیی بَدواه پَشل و شرمندگ ببنت و مئے هلاپا هچّ بدێن هبرے کرت مکننت.