په تیموتاووسا پولُسئے ائولی کاگد 1:10 - هُدائے پاکێن کتاب، بلۆچی زبانا

¹⁰ په سْیَه‌کاران، په لئوات‌کاران، په گُلامانی تاجِران، په درۆگبند و درۆگێن سئوگند ورۆکان و په اے دگه هما مردمان جۆڑ کنگ بوتگ که راستێن تالیمئے هلاپ اَنت.

په تیموتاووسا پولُسئے ائولی کاگد 1:10 Кръстосани препратки

پێدایش 19:5

آیان لوت گْوانک جت و گوَشت: ”همے بچکّ که اِنشپی تئیی لۆگا آتکگ‌اَنت، کُجا اَنت؟ مئے کِرّا بیارِش که ما گۆن آیان وپت و وابَ کنێن.“

پێدایش 37:27

بیاێت، ایسُّپا اِسماێلیانی کِرّا بها کنێن. آییئے جندا نکُشێن. مئے برات اِنت. مئے وتی هَڈّ و هۆن اِنت.“ براتان منِّت.

پێدایش 40:15

من چه اِبرانیانی مُلکا دُزّگ و اِدا آرگ بوتگان و اِدا هم من چُشێن کارے نکرتگ که اے سیَه‌چاتا دئور دئیگ ببان.“

دَرگوَز 20:7

مُپت و وَتسرا وتی هُداوندێن هُدائے ناما مگِر. هرکَس که مُپت و وتسرا هُداوندئے ناما گیپت، گُنهکارَ بیت.

دَرگوَز 21:16

هرکَس که مردمێئے دُزّگا گِرگ بوت، آ مردمی بها کرت یا وتی کِرّا داشتی، آییئے سِزا مَرک اِنت.

یوهَنّا 8:44

شما وتی پت، بزان اِبلیسئے چُکّ اێت و هماییئے مُراد و واهگانی سرا کار کنگَ لۆٹێت. آ چه بِنداتا هۆنیگے و چه راستیا دور اِنت، چێا که آییا هچّ راستی مان نێست. وهدے درۆگَ بندیت، وتی جندئے دلئے هبرا کنت، چێا که درۆگبندے و درۆگانی پت اِنت.

پولُسئے کاگد په رومیان 1:26

پمێشکا هُدایا هم آ، آیانی شرمناکێن هئوا و هئوسانی تها یله کرتنت. آیانی جنێنان وتی وپت و وابئے اَسلێن راه یله دات و ناراهێن کِشکا شتنت.

په تیموتاووسا پولُسئے ائولی کاگد 4:6

اگن تئو همے چیزّان باورمندان سۆج بدئیئے، گڑا بزان ایسّا مَسیهئے شرّێن هِزمتکارے ائے و ایمانئے راستیانی تها و شَرّێن تالیمئے تها رُستگئے، هما تالیم که تئو چه پێسرا آییئے رندگیریا کنگا ائے.

په تیموتاووسا پولُسئے ائولی کاگد 6:3

اگن کسے رَدێن تالیم بدنت و چه مئے هُداوندێن ایسّا مَسیهئے راستێن هبران و هُداتُرسیئے تالیما دور ببیت،

په تیموتاووسا پولُسئے دومی کاگد 1:13

هرچے که تئو چه من اِشکُتگ، اے راستێن تالیم اَنت، اِشان وتی کِرّا بدار و په ایمان و مِهر اِشانی سرا کار کن، چێا که تئو ایسّا مَسیهئے راها ائے.

په تیموتاووسا پولُسئے دومی کاگد 4:3

چێا که یَکّ وهدے کئیت که مردم راستێن تالیما بَرداشتَ نکننت و وتی چپّ و چاگردا انچێن تالیم دئیۆکانی مزنێن رُمبے مُچَّ کننت که آیانی دلئے هبرا بکننت.

په تیتوسا پولُسئے کاگد 1:13

اے گواهی راست اِنت، پمێشکا په ترُندی سرپدِش کن که راستێن ایمانئے سرا مُهر بۆشتنت و

په تیتوسا پولُسئے کاگد 1:9

کماشا هما پُراِهتبارێن تالیم که دئیگ بوتگ، باید اِنت آییئے سرا مُهر بۆشتیت تانکه آ دگران گۆن شرّێن تالیما دلبڈّی دات بکنت و هما که اے تالیمئے هلاپ اَنت، آیان سرپد کرت بکنت که آ رد اَنت.

یَهودائے کاگد 1:7

همے پئیما، سُدوم و گُمورَه و کِرّ و گوَرئے شهرانی مردم، که همایانی ڈئولا بێننگی‌اِش کرت و نارهبندێن واهگانی پدا کپتنت، اَبدی آسا پِرّێنگ بوتنت تان په دگران درس و اِبرت ببنت.

اِلهام 18:13

دارچینی، مَساله، سۆچُکی، مُرّ، سۆچَگی، شراب، زئیتونئے ٹێل، گهترێن آرت، گندم، گۆک و پس، اسپ و اسپ‌گاڑی، گُلام و انسانی زِند.

اِلهام 21:27

هچّ پئیمێن پلیتێن چیزّ یا هما که بَژّناکێن کارَ کننت و درۆگَ بندنت، اۆدا پُترتَ نکننت، بَسّ هما شتَ کننت که آیانی نام ”زِندئے کتابا“ نبیسگ بوتگ‌اَنت، هما گوَرانڈئے کتابا.

اِلهام 21:8

بله لگۆر و ناباور و هما که بَژّناک اَنت، هۆنیگ و زِنهکار و جادوگر و بُت‌پرست و سجّهێن درۆگبند، اِشانی آسر اِش اِنت که آسئے گوَرما گۆن آس و گۆکُرتا سۆچگ ببنت. اے دومی مرک اِنت.“

اِلهام 22:15

بله کُچکّ، جادوگر، زِنهکار، هۆنیگ، بُت‌پرست و هرکَس که درۆگَ بندیت و گۆن درۆگا مِهرَ کنت، اے سجّهێن چه شهرا ڈنَّ بنت.