په تِسالونیکیان پولُسئے ائولی کاگد 5:6 - هُدائے پاکێن کتاب، بلۆچی زبانا

⁶ گڑا بیاێت ماشُما اے دگرانی ڈئولا نکنێن و وابَ نکپێن، آگهَ مانێن و هُژّارَ بێن.

په تِسالونیکیان پولُسئے ائولی کاگد 5:6 Кръстосани препратки

مَتّا 13:25

بله وهدے مردم وپتگ و واب اَتنت، آییئے دژمنے آتک و گندمئے کِشتگێن ڈگارا زَهریچک و بَرّی کاهئے تُهمی رێتک و شت.

مَتّا 24:42

شما نزانێت که شمئے هُداوند کجام رۆچا کئیت. پمێشکا سار و هُژّار بێت.

مَتّا 25:13

پمێشکا هۆش و سار ببێت چێا که شما آ رۆچ و ساهتا هچَّ نزانێت.

مَتّا 25:5

سالۆنکا آیگا دێر کرت، پمێشکا آ سجّهێن کۆچَنڈان واب کپتنت.

مَتّا 26:38

گۆن آیان گوَشتی: ”سکّ پرێشان آن، گَم و اَندۆهان منا مَرکیگ کرتگ، شما اِدا بدارێت، مئوپسێت و منی همراهیا آگه و هُژّار بێت.“

مَرکاس 13:37

اَنچُش که من شمارا گوَشگا آن، سجّهێنانَ گوَشان: هُژّار بێت!“

لوکا 12:37

بَهتاور اَنت هما هِزمتکار که آیانی هُدابُندَ کئیت و گندیت آگه و هُژّار اَنت. باور کنێت هُدابُند وت په آیانی هِزمتا لانکَ بندیت، آیانَ نندارێنیت و ورگ دێما دنت.

لوکا 12:39

شما شَرَّ زانێت، اگن لۆگئے هُدابُندا بزانتێن دُزّ کجام وهدا کئیت، گڑا آییا هچبر دُزّ وتی لۆگا په دُزّیا نه‌اِشتگ‌اَت.

لوکا 21:36

پمێشکا هروهد هُژّار بێت و دْوا بکنێت، تان شمارا آ رۆچا که چُشَ بیت و اے جاور په سرَ رسنت در رئوگئے واک ببیت و انسانئے چُکّئے بارگاها اۆشتات بکنێت.“

لوکا 22:46

گوَشتی: ”په چے وپتگێت؟ پاد آێت، دْوا کنێت که چَکّاسا مکپێت.“

کاسِدانی کار 20:31

پمێشکا هُژّار بێت و یات بکنێت که تان سئے سالا، من شپ و رۆچ په شما گرێتگ و شمارا ڈاه داتگ.

په پیلیپیان پولُسئے کاگد 4:5

بِلّ سجّهێن مردم شمئے نرم‌دِلیا بگندنت. هُداوندئے آیگئے وهد نزّیکّ اِنت.

په تِسالونیکیان پولُسئے ائولی کاگد 4:13

براتان! ما لۆٹێن که شما مرکئے وابا وپتگێنانی بارئوا سرپد ببێت و آ مردمانی ڈئولا پُرسیگ مبێت که هچّ اُمێتِش نێست.

په تِسالونیکیان پولُسئے ائولی کاگد 5:10

آ په ما مُرت که ما، تُرے زندگ ببێن یا مرکا واب، گۆن آییا زندگ بمانێن.

په تِسالونیکیان پولُسئے ائولی کاگد 5:8

بله ما که رۆچئے چُکّ اێن، ما هُژّار ببێن، ایمان و مِهرا چۆ سێنَگ‌پۆشا ببندێن و نجاتئے اُمێتا چۆ جنگی کُلاها سرا بکنێن.

په تیموتاووسا پولُسئے ائولی کاگد 2:15

بله جنێن، چُکّئے پێدا کنگئے برکتا رکّیت، اگن جنێن ایمان و مِهر و پاکیئے راها په سَنگینی دێما رئوان ببنت.

په تیموتاووسا پولُسئے ائولی کاگد 2:9

چه جنێنان هم لۆٹان که شِهم و رَهدار ببنت و مُناسِبێن پۆشاک گوَرا بکننت. وتا گۆن وَڑ وَڑا گوَپتگێن مودان و تِلاه و مُروارد و گْرانبَهاێن پُچّ و پۆشاکان مسَمبهێننت.

په تیموتاووسا پولُسئے ائولی کاگد 3:11

همے پئیما آیانی جن هم اِزّتمند ببنت، مردمانی باپُشتا هبر مکننت، گْران و سنگین ببنت و هر هسابا ایماندار ببنت.

په تیموتاووسا پولُسئے ائولی کاگد 3:2

باید اِنت کلیسائے کماش انچێنے ببیت که آییا مردمانی مَلامت پِر مبیت، گۆن وتی جَنا وپادار ببیت، گْران و سنگینێن مردمے ببیت و وتا داشت بکنت، مَڑاهدار و مِهمان‌نئواز ببیت و شَرّیا تالیم دات بکنت،

په تیموتاووسا پولُسئے دومی کاگد 4:5

بله هر هالت و جاورێا ترا داشت ببیت، سَکّی و سۆری بِسَگّ، وَشّێن مستاگئے جار جنَگئے کارا دێما بران کن و وتی هِزمتکاریئے زِمّها سرجم کن.

په تیتوسا پولُسئے کاگد 2:12

اے رهمت مارا تالیمَ دنت که ما وتا چه هُداناپَرمانی و دنیایی هئوا و هئوَسان دور بدارێن و همے وهدا که ما وتی مُبارکێن اُمێتئے اِنتزار و وَدارا اێن، بزان وتی مزنێن هُدا، وتی رَکّێنۆکێن ایسّا مَسیهئے پُرشئوکتێن آیگئے وَدارا اێن، اے دنیایا په جِندئے داشت و پهرێزکاری و هُداتُرسی زند بگوازێنێن.

په تیتوسا پولُسئے کاگد 2:6

همے پئیما وَرناێن مردێنان هم دلبڈّی بدئے که داشتِش ببیت.

پِتْرُسئے ائولی کاگد 1:13

وتی لانکا ببندێت و هُژّار ببێت. زِندا په شِهم و رَهداری بگوازێنێت. وتی اُمێتا په هُدائے هما رهمتان ببندێت که ایسّا مَسیه وتی زاهر بئیگئے وهدا په شما رسێنیتِش.

پِتْرُسئے ائولی کاگد 4:7

دنیا زوتّ هلاس بئیگی اِنت، پمێشکا گۆن شِهم و رَهداریا وتا گران و سنگین بدارێت تان دْوا کرت بکنێت.

پِتْرُسئے ائولی کاگد 5:8

گران و سنگین و هُژّار ببێت، چێا که شمئے دژمن، شئیتان، چۆ شێرا گُرّان اِنت و شۆهازا اِنت که کجا شکارے برسیتی تان بدِرّیت و اێری ببارت.

اِلهام 16:15

”بچار، من دُزّکاییَ کایان. بَهتاور هما اِنت که آگهَ مانیت و وتی پۆشاکان تئیارَ داریت تانکه آ جاندرا در مئیئیت و آییئے ننگ گِندگ مبیت.“

اِلهام 3:2

آگه بئے و هما چیزّان مُهر و مُهکم کن که اَنگت پَشت کپتگ‌اَنت بله مِرَگی اَنت. چێا که من تئیی کار دیستگ‌اَنت که منی هُدائے چمّان کامل نه‌اَنت.