پِتْرُسئے ائولی کاگد 1:15 - هُدائے پاکێن کتاب، بلۆچی زبانا

¹⁵ هما ڈئولا که شمئے گْوانک جنۆک پاک اِنت، هر کارئے تها شما هم پاک ببێت.

پِتْرُسئے ائولی کاگد 1:15 Кръстосани препратки

مَتّا 5:48

پمێشکا شما باید تمان و بےائیب ببێت، اَنچُش که شمئے آسمانی پت وتی جاها تمان و بےائیب اِنت.

پولُسئے کاگد په رومیان 9:24

ما هم که هُدائے گْوانک جتگێن اێن اے رَهمتئے چێرا اێن، تهنا چه یَهودیانی نیاما گْوانک جنگ نبوتگێن، چه دَرکئومانی نیاما هم گْوانک جنگ بوتگێن.

په پیلیپیان پولُسئے کاگد 1:27

تُرے هرچے ببیت، وتی زِندا اَنچُش بگوازێنێت که مَسیهئے وشّێن مِستاگا بکرزێت. گڑا اگن من شمئے چارگا بیایان یا چه شما دور ببان، بَسّ سهیگ ببان که شما یَکدل و یکجان اێت و مُهر اۆشتاتگێت و په وتی باوَرا، بزان په وشّێن مِستاگا په همدلی جُهد کنگا اێت و

په پیلیپیان پولُسئے کاگد 3:14

من دێم په مِنزلا تَچان آن تانکه هما اِنام و دادا بِکَٹّان که په آییا هُدایا منا ایسّا مَسیهئے برکتا دێم په اَرشا تئوار کرتگ.

په پیلیپیان پولُسئے کاگد 3:20

بله ما آسمانئے باشنده اێن و په هُبّ و هُدۆناکی رکّێنۆکێن هُداوند ایسّا مَسیهئے اِنتزار و ودارا اێن که چه همۆدا کئیت.

په تِسالونیکیان پولُسئے ائولی کاگد 2:12

ما شمارا دلبڈّی و دلجمی دات و دزبندی کرت که اَنچێن زندے بگوازێنێت که هُدائے لاهک ببیت، هما هُدا که شمارا تئوارَ کنت که دێم په منی بادشاهی و شان و شئوکتا بیاێت.

په تیموتاووسا پولُسئے ائولی کاگد 4:12

تئیی کَسان‌اُمریئے سئوَبا کسّ ترا کَم‌اَرزش سرپد مبیت و تئیی گُپتار و کردار و مِهر و ایمان و پاکی په باوَرمندان مسالے ببنت.

په تیموتاووسا پولُسئے دومی کاگد 1:9

هُدایا مارا نجات داتگ و په پاکێن زندێا گْوانک جتگ. مارا مئے کرتگێن کارانی سئوَبا گوانکی نجتگ، وتی جندئے اِراده و رهمتئے بُنیادا گوانکی جتگ و اے رهمت مارا ایسّا مَسیهئے برکتا، چه اَزلا دئیگ بوتگ و

په تیتوسا پولُسئے کاگد 3:14

مئے مردم باید اِنت در بِبرنت که چۆن وتا په شَرّێن کاران وَپْکَ کننت تانکه دگرانی زلورتان پوره بکننت. اے پئیما مئے مردمانی زندگی بێسَمَرَ نبیت.

په تیتوسا پولُسئے کاگد 3:8

اے گپّ راست اِنت و منَ لۆٹان که تئو اے تالیمئے سرا زۆر بدئیئے، تانکه هما مردمان که وتی اُمێت گۆن هُدایا بستگ، وتی دلگۆشا گۆن شَرّێن کاران بکننت. اے شَرّێن هبر اَنت و په هرکَسا پائِدَگمَند اَنت.

آکوب 3:13

شمئے نیاما دانا و اَگلمند کئے اِنت؟ بِلّێت اِشیا چه وتی شَرکِردیا پێش بداریت، گۆن هما بێکِبری و مهربانیا که چه هِکمتا کئیت.

پِتْرُسئے ائولی کاگد 2:12

ناباورانی نیاما پاک و پَلگارێن زِند بگوازێنێت. بِلّ تُرے آ، شمارا بُهتامَ جننت و گوَشنت که شما رَدێن کار کنگا اێت، بله گۆن شمئے نێکێن کارانی گِندگا، هُدائے آیگئے رۆچا هُدایا شرپ و اِزّت بدئینت.

پِتْرُسئے ائولی کاگد 2:9

بله شما هُدائے گچێن کرتگێن بادشاهێن روهانیێن پێشوا و پاکێن کئوم اێت، هُدائے جندئے کئوم اێت و آییا شمارا چه تهاریا دێم په وتی پرشئوکتێن رُژناییا گْوانک جتگ تان آییئے مزنێن کاران جار بجنێت.

پِتْرُسئے ائولی کاگد 3:16

بله اے کارا گۆن نرمی و په سنگینی بکنێت. وتی جَبین و وجدانا پاک و ساپ بدارێت، تانکه شمارا بد و رَد گوَشگئے وهدا، آ مردم گۆن شمئے نێکێن مَسیهی کِردارئے گِندگا چه وتی زاه و زَکَتان پَشَل و شرمندگ ببنت.

پِتْرُسئے ائولی کاگد 5:10

نون هُدا، که سجّهێن رهمتانی مالک اِنت و شمارا چه مَسیهئے راها دێم په هما اَبدمانێن شئوکتا گْوانکی جتگ، شمئے کمّێن سکّی و سۆرێئے سگّگا رند، شمارا نۆکسرا توانَ دنت، مُهر و مُهکمَ کنت و پایداری و زۆرَ بَکشیت.

یوهَنّائے ائولی کاگد 3:3

هرکَسا چه آییا چُشێن اُمێتے هست وتا پاکَ کنت، اَنچُش که آ وت پاک اِنت.

اِلهام 3:7

په پیلادِلپیائے کِلیسائے پرێشتگا نبشته کن: اے هبر هماییئیگ اَنت که پاک و راست اِنت، هماییئیگ که داوودئے کلیتی دستا اِنت. آ چیزّا که آ پَچ بکنت، کَسّی بند کرتَ نکنت و آ چیزّا که آ بند بکنت، کَسّی پَچ کرتَ نکنت. آ چُشَ گوَشیت:

اِلهام 4:8

چه اے چارێن سَهداران هر یکّێا شش بانزُل و هر نێمگا چمّ پِر اَت، بانزُلانی چێرا هم. اے هچّ بسَّ نکننت و شپ و رۆچ گوَشگا اَنت: ”پاک اِنت، پاک اِنت، پاک اِنت، پُرواکێن هُداوندێن هُدا پاک اِنت، هما که هست بوتگ، هست‌اِنت و آیگی اِنت.“

اِلهام 6:10

زار زارا گرێوگ و گوَشگا اَتنت: ”او پاک و راستێن هُداوند! تان کدێن دادرسیَ نکنئے و مئے هۆنئے بێرا چه زمینئے سرا نِشتگێنانَ نگرئے؟“