یوهَنّائے ائولی کاگد 3:17 - هُدائے پاکێن کتاب، بلۆچی زبانا

¹⁷ اگن کَسێا دنیایی مال و مِلکتے ببیت و براتێا مهتاج بگندیت بله په آییا بَزّگی مبیت، گڑا هُدائے مِهر چِه پئیما چُشێن مردمێئے دلا جاگهَ کنت؟

یوهَنّائے ائولی کاگد 3:17 Кръстосани препратки

لوکا 3:11

آییا پَسّئو دات: ”اگن کَسێا دو جامگ هست، یکّێا هما کَسا بدنت که آییا هچّ نێست و اگن کَسێئے کِرّا وَرد و وراک هست، آیان هم بهر بکنت.“

آکوب 2:15

اگن برات یا گهارے رۆزیگ و پۆشاکا مهتاج ببیت و

آکوب 2:16

چه شما یکّے گۆن آییا بگوَشیت: ”په سلامتی برئو، شَرّێن پۆشاک بپۆش و لاپئے سێرا بوَر،“ بله په آییئے جسمی زلورتانی پوره کنگا هچّ مکنت، آییئے کارے شَرَّ بیت؟

یوهَنّائے ائولی کاگد 4:20

کَسے که گوَشیت: ”منا هُدا دۆست اِنت“ و چه وتی براتا نَپرتَ کنت، درۆگبندے، پرچا که وتی براتا گندیت و دۆستیَ نداریت، گڑا هُدایا که نگندیت چِه پئیما دۆستی داشتَ کنت؟

یوهَنّائے ائولی کاگد 5:1

هرکَسا اے باوَرمندی ببیت که ایسّا هما مَسیه اِنت، آ چه هُدایا پێدا بوتگ. هرکَسا که پت دۆست اِنت، چُکّا هم دۆستَ داریت.