یوهَنّائے ائولی کاگد 2:17 - هُدائے پاکێن کتاب، بلۆچی زبانا

¹⁷ دنیا و دنیایی واهگ، گار و زئوالَ بنت، بله کَسے که هُدائے واهگانی سرا کارَ کنت، اَبدمان اِنت.

یوهَنّائے ائولی کاگد 2:17 Кръстосани препратки

زَبور 102:26

اے سجّهێن گار و بێگواهَ بنت بله تئو مانئے، اے سجّهێن چۆ پۆشاکا کوَهنَ بنت، تئو اِشان چۆ پۆشاکا بدلَ کنئے و اے بێرانَ بنت،

زَبور 143:10

منا تالیم بدئے که تئیی رزائے سرا کار بکنان، چێا که تئو منی هُدا ائے، تئیی نێکێن روه تچکێن راها منی رهشۆن بات.

زَبور 39:6

بێشکّ انسان چۆ ساهگێا چکرّیت، بێشکّ که آ مُپت و ناهودگا تچ و تاگَ کنت، مُچّ و اَمبارَ کنت، بله نزانت که کئیا رسنت.

زَبور 90:9

مئے سجّهێن زِند تئیی هِژمئے چێرا گوَزیت و وتی سالان په نالگا هلاسَ کنێن.

مَتّا 21:31

چه اے دوێنان کجام بَچّا وتی پتئے هبر زرت؟“ آیان پَسّئو دات: ”ائولیگا.“ ایسّایا گۆن آیان گوَشت: ”باور کنێت، سُنگی و مالیاتگیر و بَدکارێن جَنێن چه شما پێسر هُدائے بادشاهیا رئونت.

مَتّا 24:35

زمین و آسمان گارَ بنت، بله منی هبر هچبر گار و زیانَ نبنت.

مَتّا 7:21

هما که منا ’هُداوند، هُداوندَ‘ گوَشنت، په آ سجّهێنان آسمانی بادشاهیئے دروازگ پَچَ نبیت، تهنا هما شتَ کنت که منی آسمانی پتئے واهگ و رزائے سرا کارَ کنت.

مَرکاس 3:35

آ که هُدائے واهگ و رَزائے سرا کارَ کننت، هما منی مات و برات و گهار اَنت.“

یوهَنّا 4:14

بله هرکَس که منی داتگێن آپا بوارت، هچبر تُنّیگَ نبیت. چێا که آ آپا که منَ دئیان، اگن کَسے بوارتی، چه آییئے درونا آپئے چَمّگے بُجیت که اَبدمانێن زِندَ بکشیت.“

یوهَنّا 6:58

اے نان که چه آسمانا اێر آتکگ، آ نگنئے پئیما نه‌اِنت که شمئے پت و پیرُکان وارت و اَنگت مُرتنت، چێا که هرکَس که اے نانا بوارت، تان اَبد زندگَ مانیت.“

یوهَنّا 7:17

هرکَس که هُدائے واهگان سَرجم کنگ بلۆٹیت، زانت که منی تالیم هُدائیگ اَنت یا من چه وت هبرَ کنان.

پولُسئے کاگد په رومیان 12:2

گۆن اے دنیایا همرنگ و همدرۆشم مبێت، چه وتی پِگر و پَهمئے نۆک کنگئے راها بدل ببێت، تان شما بزانێت و گیشّێنت بکنێت که هُدائے واهگ چے اِنت، کجام چیزّ شَرّ، کامل و هُدایا پَسُند اِنت.

په تِسالونیکیان پولُسئے ائولی کاگد 4:3

هُدائے رَزا اِش اِنت که شما پاک و پَلگار ببێت و وتا چه هئوَس و سْیَه‌کاریا دور بدارێت.

په تِسالونیکیان پولُسئے ائولی کاگد 5:18

هر پئیمێن جاورانی تها هُدائے شُگرا بگرێت، چێا که په شما هُدائے رَزا همِش اِنت، شما که ایسّا مَسیهئیگ اێت.

آکوب 4:14

شما همینچُک هم نزانێت که باندا چے بیت. شمئے زِند چیّے؟ شما باپ و هُرمئے پئیما اێت که دمانُکێا گِندگَ بیت و پدا گارَ بیت.

پِتْرُسئے ائولی کاگد 1:5

شما هُدائے سرا باور کرتگ و هُدا هم گۆن وتی زۆر و واکا په هما نِجاتا شمئے نِگهپانیا کنت که چه انّونا تئیار اِنت و آهری زمانگا پَدَّرَ بیت.

پِتْرُسئے ائولی کاگد 4:2

اے پئیما، نون آ وتی منتگێن جسمی زِندا اِنسانی لۆٹ و واهگانی سرا نگوازێنیت، هُدائے واهگانی سرا گوازێنیت.