Lucas 10:27 - Las Escrituras en Ashéninka Ucayali del Sur

²⁷ Ari ikantzi Yotaantaniri: “Piwinkatharite irika Tajorentsi, otzimatyee pininta-peroteeri, pininta-shireteeri, pininta-shintsiteeri. Poshireperoteeyaari. Petakoteeyaari pisheninka, pikimita-kaanteeri pineshironkatziro eeroka piwatha.”

Lucas 10:27 Кръстосани препратки

Mateo 19:19

Pipinkatha-teeri pipaapate eejatzi piniro. Petakoteeyaari pisheninka poshiya-kaanteri petakota eeroka.

Lucas 10:26

Ikantzi Jesús: “¿Oetaka ikantee-takiri Ikantakaan-teetaniki? ¿Jempema okanta piyota-kotziro eeroka?”

Roma-jatzi 13:9

Iroka rojankinee-takiri Ikantakaan-teetani, ikanteetzi: Eero pimayempitzi. Eero powamaantzi. Eero pikoshitzi. Eero pitheeya-kotanta. Eero piñaawenashiryaanta. Eenitatsi osheki otsipa ikantakaan-teetani. Roo kanteencha iroka rooperota-jaanta-tsiri ikantakaan-teetani, ikanteetzi: Petakoteeyaari pisheninka pikimita-kaanteri petakota eeroka.

Galacia-jatzi 5:13

Pikemi nokante noyemijantzinkarite-paeni. Riyoshiitee-takimi okanta piñaantaawori pijeekae kameetha. Roo kanteencha, tee okameethatzi pantayiteero okaatzi pikowakaa-shitari eeroka. Tema roo kameethatatsi petakotawakaayiteeyaa.

Apiin aani-taneentsiri 6:4

¡Israel-paeni! Pikemi. Irika Awinkatharite Tajorentsi, apaniro ikanta Ipinkatharitzi rirori.

Apiin aani-taneentsiri 6:5

Pininta-pero-teeri, pininta-shire-teeri, pininta-shintsi-teeri eejatzi.

Heber-paeni 8:10

Rapiitakiro iñaawaetaki, ikantzi: Iroka owakirari nokashiya-kaakiriri paata icharinitee-yaari Israel: Ari niyoshireta-kaayiteeri kameetha okaate rantayiteeri. Okimiwityaawo nojankina-shiretaa-tyeenirimi Nokanta-kaantani, Naaka ikimita-kaantee Itajorentsite, Riiyitaki nashitee-yaari Naaka.

Santiaho 2:8

Omaperota-tyaarika pikemijanta-neero Otzinkami Inintakaan-teetani, pantakiro kameethari. Iroka ikantee-tziri otzinkami: Petakoteeyaari pisheninka pikimita-kaanteri petakota eeroka.

1 Juan 3:18

Notyomi-paeni, tee okameethatzi akanta-shiwaetyaa, “Netakotanta.” Tema otzimatyee amateero ooñaawontzirori etakotanta.