Isaías 53:6 - Las Escrituras en Ashéninka Ucayali del Sur

⁶ Atzipinawaetaki aakaete maawoeni oshiyawaetakari owisha tzipinari, akinawaetashitaka jemperikapaeni, Riitaki kantacha Tajorentsi, ratsipetakaakari irika ayaariperonkari aakaete.

Isaías 53:6 Кръстосани препратки

Etanta-nakari 22:6

Raakiro itsima Abraham, inatakaanakiri Isaac, raanaki eejatzi iyotsiryaanite, eejatzi paamari. Jateeyanakini apityaampikiteeni.

Isaías 40:2

Pinintathateri piñaanateri nampiwitawori Jerusalén-ki. Pikamanteeri, pikanteri: ‘Ari okaatapaaki romperaetzimi, ipinakowenteetakiro pikinakaashitani, Imaperotakimi rowajankitzimi pikaariperotakira.’ ”

Isaías 53:10

Tee ishintsineenteri Tajorentsi ikemaatsitakahaeyaari. Riitaki kowashiteencha ratsipetakowentyaari kaariperori, rañaanteeyaari, iñaayitanteeyaariri ichariniyitari. Riitaki kantakaantakirori omatantakari rantawaeri Tajorentsi.

Isaías 53:11

Osheki ikemaatsiwentakawo iñaantawori kitejiinkari, osheki ikimoshirete arika iñaahaero awijeentsiri. Irika tampatzikashireri nomperatani osheki rontsiparyaakowentee, riitaki ikemaatenatakaayita iyaariperonkari atziriite.

Isaías 53:12

Roejeekaeri Tajorentsi ijeekamentoki riroperoriite, itsipateeyaari shintsiperori oetsinampaanteentsiri, Tema ishinetaka ikamimotante, roshiyakahaetakiri riimi kaariperori, Riiwitaka ikematenatakahaetakari iyaariperonkari osheki, rowatsinaryaakotairi kaariperoshireriite.

Isaías 53:5

Rojatahaetakiri okantakaantziro ipiyathawaetaka, Ikemaatsitakahaetakari okantakaantziro iyaariperonkari. Ikanta rowajankitzitakiri rootaki ijeekantaari kameethaeni. Ikanta rowatsinaetakiri, roojatzi retsiyatakotantaari.

Isaías 53:7

Ipajawaeteetakiri, ishinetaka tee ikaaniwaetzi, Tee iñaawaetzi eepichokiini ikenkithawaetapaente. Roshiyakahaetakiri rahaetziri owisha rowamahaeteri. Roshiyakari owisha tee ikaemawaete arika rameeteeteri, Ari ikantakari rirori, maeriri ikantaka.

Isaías 6:7

Rontsirokakiro nopaanteki, ikantana: “Pamine, ontsirokakimi pipaanteki paamarimenki. Ithonkaemiro piyaariperonkari, Ipeyakoeteemiro pikaariperowitakaha.”

Roma-jatzi 4:25

Tema riitaki kamawenta-yiteeri aakapaeni, okantakaan-tziro akaaripero-waetaki. Riijatzi añahaatsi itampatzika-shireta-kaanteeri.

Santiaho 5:20

powawijaa-koteeri ikaaripero-shire-witaka. Jatawitaa sharinkaweniki aririka ikamaemi. Maperowitaka ikaaripero-shire-witaka, roo kanteencha ikemijantee, ipeyakoteeniri Tajorentsi maawoeni, eero ikenkishiryaa-kotaawo.

1 Pedro 2:25

Paerani eeroka-paeni pikimitakari piratsi kinawaeta-shita-chari. Roo kanteencha okimiwitaka pipiyaa-tyeemi ijeekira aminakowentziriri piratsi, riitaki aminakowenta-shire-yiteemiri eeroka-paeni.

1 Pedro 3:18

Ari ikantzitaka eejatzi Jeepatzii-totaa-rewo, tampatzika-shireri rirori, ikamawentakiri kaari-peroripaeni tzimpina-shire-waeta-tsiri. Rootaki rantantakawori okantyaa raantee-yaariri itsipatee-yaari Tajorentsi. Osheki rowatsina-watha-witee-takari rowamaan-teeta-kariri, roo kanteencha rowañaa-shiretee-teeri.

Jewaripaeni 21:25

Paerani tekira itzimanaki riiperori iwinkatharite Israel-paeni, rantashi-yitakawo apaani-paeni okaatzi ikowayi-tziri rirori.