Éxodo 9:17 - Las Escrituras en Ashéninka Ucayali del Sur

¹⁷ Tema piñaawi-takawo okaatzi awijeentsiri, eekiro pithañaa-tyaari ikaatzi nashitari naaka, tee pishine-ritzi riyaayitee.

Éxodo 9:17 Кръстосани препратки

Éxodo 9:16

Omapero-tatyaa, tema naaka kantakaawo pañaayite, rootaki riyotan-teetenari otzimimotana naaka noshintsinka, ari okantyaa ikenkitha-takoe-tantee-nari naaka maawoeni kepatsiki.

Éxodo 9:18

Tema inkaamani, ari okimityaawo nimaeka iweyaakaha ooryaa, ari piñaakiro opariyi jiriniki, tee iñahaetziro paerani jaka Apitantoniki kimityaawoni iroka, omapokakimi nimaeka.

Ezequiel 28:6

Rootaki ikantantari Tajorentsi: Pantzirorika riitaki yotanitakayimiri tajorentsiniro,

Rantayi-takiri 12:23

Tee imateeyaa Herodes roshiya-kaantee-takari Tajorentsi, ithaamentee-takari. Rootaki omapoka-shitan-tanakari romantsiyaakiri Ronampiri Tajorentsi, kiyowaetanaki, kamaki.

1 Corinto-jatsi 10:22

¿Akowatziima owatsimaeri Awinkatharite? ¿Awijirima rirori?