Éxodo 20:13 - Las Escrituras en Ashéninka Ucayali del Sur

¹³ Eero powamaantzi.

Éxodo 20:13 Кръстосани препратки

Mateo 19:18

Ikowanaki ewankari riyotakotero, ikantziri: “¿Otzimikama pikantziri?” Ikantzi Jesús: Eero powamaantzi. Eero pimayempitzi. Eero pikoshitzi. Eero pitheeya-kotanta.

Rantayi-takiri 16:28

Roo kanteencha ikaema-kota-nakiri Pablo, ikantziri: “¡Eero powashironkaa-waeta, eeniro nojeekaeyini maawoeni jaka!”

Rantayi-takiri 28:4

Ikanta iñaakiri nampitawori janta rowikan-tapaakari maanki, ikanta-wakae-yanakani: “Irika atziri owantzinkari irika, okantawitaka rawijako-witaka ipiinkimi, teemaeta ishineritzi rañee tajorentsi owajankitaan-taniri.”

Roma-jatzi 13:9

Iroka rojankinee-takiri Ikantakaan-teetani, ikanteetzi: Eero pimayempitzi. Eero powamaantzi. Eero pikoshitzi. Eero pitheeya-kotanta. Eero piñaawenashiryaanta. Eenitatsi osheki otsipa ikantakaan-teetani. Roo kanteencha iroka rooperota-jaanta-tsiri ikantakaan-teetani, ikanteetzi: Petakoteeyaari pisheninka pikimita-kaanteri petakota eeroka.

Galacia-jatzi 5:21

reshita-kota-wakaa-waetawo rashiyitari, rompojawakaa-waeta, ishinki-waeta, iñaamaperotakawo roemoshirenka-waetyaa rantantyaawori kaari-perori, rantayitziro jempe-rika oeyitari. Tema rootaki noshintsita-kimiri paerani eero pantanta-yitawo iroka. Tema aririka pantayitakiro, eero piñeero ipinkathari-wenteemi Tajorentsi.

1 Timoteo 1:9

Tema kaari rojankinee-tziniri ikaatzi kameetha-shireteen-tsiri, tema rootaki rowajankitee-tantyaariri koshekinkari-paeni, piyathari-paeni, kaari-pero-shireri-paeni, tsimae-nkatzinkari-paeni, theenkan-taniri-paeni, maninta-shiretan-taniri-paeni, owamaayitziriri ashitariri, owaan-tzinkari-paeni,

Santiaho 2:11

Tema ikanteetzi paerani: Eero pimayempitzi. Eero powamaantzi. Teerika imayempi-witeeta, roo kanteencha eenitatsi-rika rowamaan-teetzi, eenitatsira rantayiteetziro kaari kameethatatsiri.

Santiaho 2:13

Tema eerorika etakoyitanta, aritaki rowajankitaa-peroetee. Rootaki kowaperotacha etakoyitantyaa eero rowajankitee-tantee.