Éxodo 2:24 - Las Escrituras en Ashéninka Ucayali del Sur

²⁴ Tema ikemirira ratekaeyini, roojatzi roshiretakotakawo Tajorentsi ikashiya-kaakiriri paerani Abraham, Isaac, eejatzi Jacob.

Éxodo 2:24 Кръстосани препратки

Etanta-nakari 15:13

Ikantakiri Tajorentsi: “Abram, otzimatye piyotero iroka, rahaeteri picharinipaeni otsipaki kepatsi, okaate 400 ojarentsi ijeeke. Ari romperawaeteetyaari, ishintsiwenteeteri, rantawaetakahaeteri.

Etanta-nakari 16:11

Tema motzitakimi nimaeka, itzimae apaani pitomi, Riitaki piiteri Ismael. Tema iñaakimi Tajorentsi pashironkawaetaka.

Etanta-nakari 17:7

Iroka nokashiyaakaemiri eeroka nimaeka, rootaki nokashiyaakahaeriri eejatzi paata pichariniite, naakatapiintaki Pitajorentsiteteeya, naakatzitaka Itajorentsiteteeya eejatzi pichariniite.

Etanta-nakari 18:18

Tema riitaki oshekitaatsini icharini, shintsiri rinatye ikaate sheninkatawakahaachani. Riitaki nokashiyaakaakiri ikantakaanteero notajonkawentanteeyaariri maawoeni inashiyitachari isheninkatawakaaha kepatsiki.

Etanta-nakari 22:16

ikantziri: “Iroka iñaani Tajorentsi: ‘Okantakaantziro tee pithañaari papintzite pitomi, naakatakira pikemijante nopaanteki.

Etanta-nakari 26:2

Ari roñaahaari Tajorentsi, ikantakiri: “Eero piyaatzi Egipto-ki. Ari pijeeke jempe nonintakakimiro naaka.

Etanta-nakari 26:24

Okanta tsirenipaeteki roñaahakari Tajorentsi, ikantakiri: “Naakataki Itajorentsite pipaapate Abraham. Eero pithaawashiwaeta, naakataki tsipatzimiri. Ikantakaantakiro nomperatane Abraham, aritaki notajonkawentakimi, Aritaki noshekyahaemiri pitomipaeni.”

Etanta-nakari 26:3

Roojatzi pijeekawaki jaka nampitsiki. Aritaki notajonkawentakimi, tema nopakimiro maawoeni iroka kepatsi, roojatzi rashiteeyaarini eejatzi pitomipaeni. Rootaki nomonkaatantyaawori nokashiyaakaakiriri paerani ashitzimiri Abraham.

Etanta-nakari 32:28

Ikantanaki atziri: “Eerowa piitaawo nimaeka Jacob. Israel piiteeya. Tema pomankiyakari Tajorentsi, ari pikanteriri eejatzi atziripaeni, ari paawyaakiri.”

Etanta-nakari 35:11

Ikantanakiri: “Naakataki Tajorentsi shintsiperori. Ari noshekyahaeri pitomipaeni eejatzi picharinipaeni Noshekyahaemiri pitomipaeni riyoshiiteeya sheninkatawakahaachani, rijatzi inashiyitaachani isheninkapaeni jemperikapaeni. Nopinkatharitakaayitakiri pitomipaeni.

Etanta-nakari 35:12

Aritaki nashitakahaemiro kepatsi nashitakaakariri paerani Abraham eejatzi Isaac. Roojatzi iroka kepatsi nashitakaeyaariri pitomipaeni.”

Etanta-nakari 8:1

Ikanta Tajorentsi, roshiretaari Noé eejatzi maawoeni antamiweripaeni itsipatakarira amaatakomentotsiki. Itampyaatakaakiro pyahaana oonkawo.

Mampaantsi 22:5

Ikowako-takimi pikijawen-tyaari, pimatakiro pookakaa-wenta-yitakiri. Rawentaa-yitakimi eeroka, tekatsi owashiwentaayiteerini.

Éxodo 6:5

Niyotzitaka eejatzi osheki rowashironka-waetaka Israel-paeni, ishintsi-waetakiri Apitantoni-jatzi rantawae-takaeri. Tema noshiretakawo nokashiya-kaakiriri.

Rantayi-takiri 7:34

Noñaakiri rashironkaa-waetaka pisheninka-paeni janta Pewiryaatantoniki. Nokemakiri ratekawaeteeyini. Rootaki nopokan-takari nookakaa-wenteemi. Eerokataki notyaante janta pantayitero nokowakiri.’

Jewaripaeni 2:18

Aririka ikantakae-yaawo Tajorentsi itzimi reewarite Israel-paeni, riitaki jewayitziriri. Ikanta eeniro ijeekayitzi reewarite, itsipata-piintari Tajorentsi irika jewari, ipiyako-wentari rowayiriyita. Tema osheki ineshironka-takiri Tajorentsi irika Israel-paeni, ikemiri ratekaeyini okantakaawo rompera-waeteetari, eejatzi ikemaatsi-takae-tari.

1 Samuel 9:16

“Okiteji-tamanee, ikaatakika nimaeka ooryaa, ari notyaan-takimi apaani atziri isheninka Benjamín-paeni, riitaki pitajorentsi-takayiri reewatan-tyaariri Israel-paeni. Riitaki pakaakaerini Filistia-jatzi ikosheka-waetakimira. Antawo noneshironka-takiri, areetakina nojeekira okaatzi ikowako-tanari.”