1 Samuel 15:18 - Las Escrituras en Ashéninka Ucayali del Sur

¹⁸ Riitaki Tajorentsi shineta-kimiri pimatiro, ikantakimi: ‘Piyaati, pithonkiri kaaripero-ripaeni Amalec-jatzi, pimaperotiri powayiritiri pithonkiri pompojiri.’

1 Samuel 15:18 Кръстосани препратки

Etanta-nakari 13:13

Ari ipiyotapaari atziri antayitzirori kaariperori kaari iñaamata Tajorentsi.

Etanta-nakari 14:7

Ikanta ipiyaawo Quedorlaomer itsipataari pinkathariite aapatziyariri, rareeteeyaani En-mispat-ki iiteetziri eejatzi Cades. Ithonkatanakiri maawoeni iñaanakiri janta iipatsiteki Amalek-iite, ari ikantanakiriri eejatzi Amor-jatzi nampitawori janta Jazezon-tamar-ki.

Etanta-nakari 15:16

Arika ojamanitaki paata, ari ipiyee itomi pichariniite jaka, tekira omonkaatapaakaata iyaariperonka Amor-jatziite.”

Job 31:3

¿Tema rowajankiteeri rirori antzirori mashirenka-taantsi? ¿Tema rowashironkayiri antzirori kaariperori?

Galacia-jatzi 2:15

Omapero-witatyaa, Judá-paenira aakapaeni, tee akimitako-wityaari kaari asheninkata ikanteeta-piinta-witari ‘kaari-pero-shireri.’

1 Samuel 15:3

Piyaati, powayiri-tyaari Amalec-jatzi, pithonkiro okaatzi tzimimo-tziriri, eero pineshironka-tziri. Pompojiri shirampari-paeni, tsinane-paeni, eejatzi itomeeriki owakira tzimaentsiri. Pompojiri ipira, rowishate, camello eejatzi iyawayote, maawoeni.”