Tito 3:1 - Kaxinawá Bíblia (BR)

¹ Ikũwaĩbu hau eskakubainũbũ ẽ mia hatukiri xinãmaii. Habũ mae yunuaibu shanẽ ibubũ hatu hawakirira yunuabu hatu nĩkatã hau ashũkubainũbũwẽ. Hawa txikixama hamapai tibi hatu yunuabu: “Hamaki”, ikama hau ashũkubainũbũwẽ.

Kashinawa : Diosun Jesúswen taexun yuba bena yiniki

¹ Ikunwainbu jau eskakubainunbun en mia jatukidi shinanmaii. Jabun mae yunuaibu xanen ibubun jatu jawakidida yunuabu jatu ninkatan jau axunkubainunbunwen. Jawa chikishama jamapai tibi jatu yunuabu: “Jamaki”, ikama jau axunkubainunbunwen.

Tito 3:1 Кръстосани препратки

Isaías 43:26

Ẽ matu haska wamismẽkaĩ, mã ea txitekatsis ikairã, unanepa pewanika anushũ pewanãkãwẽ. Mã ea txitekĩ pepa kaĩmaimẽkaĩ, txanikĩ ea uĩmai bekãwẽ, nũ uinananunã.

Mateus 22:21

habũ yuikĩ: —Romano shanẽ ibu Césarnaki— akabu hanushũ Jesusũri hatu yuikĩ: —Césarnawẽ taeshũ matũ shanẽ ibu César duawakĩ hawẽ governo dayashũmisbu pei hatu inãshũkubaĩkãwẽ. Hakia Deusri duawakĩ hawẽ yusĩa txibãkĩ hawara abuai ashũriakubaĩkãwẽ— hatu wa

1 Coríntios 15:58

Haskakẽ ẽ betsabu inũ ẽ puibuũ, hawara nukũ Shanẽ Ibũ matu yunua heneama akĩ mã hamẽ dayama mã unaĩwẽ taea Jesus txibaĩ txĩtuãma xinã betsa wama nukũ Shanẽ Ibuki shukua pehaira dayakĩ apakekãwẽ.

Efésios 2:10

Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.

Filipenses 1:11

Ha dikabi matu mã hatu bebushunaibunã, Jesus Cristowẽ taeshũ hawara pepa mã akai tsuabũra uĩkĩ Epa Deus duawakĩ kẽwãshãkanikiki.

Colosenses 1:10

Mã haska habũ nukũ Shanẽ Ibu txibaĩbunã, haskai hiwekĩ haska abuai benimawakĩ ashũkubaĩkãwẽ. Haskakĩ yura betsabu uĩmakĩ hawara daya pepa betsa betsapa akĩ Deuskiri tapĩ unãnepai ewakubaĩkãwẽ.

1 Timóteo 2:2

Deusũ yusĩa pepa txibaĩ unãnuma benimai hiweshũ hawama pepa besti hawa dakeama nũ hiweyukubainũbũ shanẽ ibubu inũ yununikabu haska tibikiri hatu yukashũkubainãkãwẽ, hau Deusũ nukukiri hatu pe xinãmanunã.

1 Timóteo 4:6

Na haska hãtxa kayabi ẽ mia yuiairã, nukũ betsabu inũ nukũ puibũ ikũwaĩbu habiaskari hatu yusĩkubaĩwẽ. Haskakĩ hawẽ ikũwãti hãtxa mĩ haya inũ yusĩa pepa mĩ txibaĩ ana hawẽ huĩti kuxipakũkaini Jesus Cristõ tsuma pepa mĩ ikũkaĩshanaii.

1 Timóteo 5:10

Hatũ bakebu ma pe yumewani inũ, bai beaibu hatũ hiwetã itã Jesus Cristonabu betsabu duawakĩ beya wakĩ hatũ tae hutxupaunibu natiã hari nuitapaya merabewakĩ pe besti dayakũkainiwẽ taeshũ Jesus Cristonabũ ha pepabu besti hatukiri xinãkĩ hau merabewakubainũbũwẽ.

2 Timóteo 1:6

Haskakẽ natiã ẽ mia yunukĩ yuairã, nĩkairawe. Deusũ hawẽ kuxipa pepa hau mia inãkĩ kayati wamanũ mia mamepishũ ẽ mia yukashuniki. Habiaswẽ ana kuxipai txi ketiãbu hi imis keskai ana mĩ kuxipa babu wayamawe.

2 Timóteo 2:14

Ẽ mia yuiai keska xinãkĩ betsabu hatu yusĩkĩ tapĩmairakubaĩwẽ. Deusũ nĩka keyuaya yusĩa betsa betsapakiri yui hau kemanameyamanũbũ hatu nemakubaĩwẽ, tsua hatu merabewatirubumakirã. Haskaibu tsuãra hatu nĩkai e ishãkanikiki, Jesus Cristo ikũwãpairã.

2 Timóteo 2:21

Ha mabu pepa ouro keskarã, tsuabũra txakabu henetã hawẽ Shanẽ Ibu pepakĩ dayashuni hawa txakabu husikĩ ana meama ha besti pepashunaiwẽ taeshũ hamapai daya pepa betsa betsapa hawẽ Shanẽ Ibu Jesusũ yunutiruki.

Tito 1:16

Haskawẽ taeshũ habũ yuikĩ: “Deus ẽ ikũwaiĩ”, ibiakĩ hamapai txakabu betsa betsapa akĩ Deusũ haska abumis akama danãmisbuki. Habunã, eska tibi wakinã, hatuki sinatakĩ tsua abuama inũ, huĩti kuxi sinarãwã hawa hatũ xinã pepamawẽ taeshũ hawara pepa wakĩ Deus ashũtirubumaki.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Tito 3:14

Mĩ hatu haska wamaiwẽ taeshũ nukunabũri tapĩtirubuki, hatũ hiweawẽ pe merabenameti xara hatu uĩmakĩ Deus dayashunaibu hatu merabewatirubuki, hatũ hiwea pekiri hatu xinãmakinã.

Tito 3:8

Na haskakiri yusĩanã, txanima kayabiki. Henekĩ betsa wama hakiri hatu yusĩkubaĩwẽ, habũ Deus ikũwaĩbu duapai hau hawẽri hamapai pepa akubainũbunã. Na hãtxa haska tibiwenã, haska hayatã dasibibube pepatirubuki.

Hebreus 13:21

Deusũ haskakiri matu xinaĩ yubakani hatũ hau matu dasibi pewakubainũwẽ. Habiaskari wakĩ haska abuai keska wakĩ hau nuku amariakubainũwẽ, Jesus Cristowẽ taeshunã. Haskakẽ nukũ merabenã Cristo kẽhairawakubainãkãwẽ. Haskakirã.

2 Pedro 1:12

Ma bebũkiri txanima hãtxa matu yusĩabu unãkĩ mã mestẽwani mã hawẽ hiwea haska dasibi matukiri xinãkĩ eãri matu xinãmakĩ ẽ henekatsi ikamaki.

Judas 1:5

Egito anua Israelbu Deusũ hatu tashnimabirani mã unãbiaya haskakiri mã xinãnũbũ ana matu yuinũ nĩkakãwẽ. Ma hatu pashawabiaima Israelbu habũ Deusũ hãtxa ikũwãkatsi ikama danaĩbuwẽ taeshũ hanu tsua hiweabumanushũ Yavé Deusũ hatu kupikĩ tenãkubirani mã unaiĩ.