Santiago 4:8 - Kaxinawá Bíblia (BR)

⁸ Haskakẽ tsuabũra Deus inũ Satanás ha dabe txibãkĩ mã xinãtxakaya matu yusĩnũ nĩkakãwẽ. Hanũ Deus xinã kayabikĩ haibu kayabi warikãwẽ, hari hau matube haibunaĩ dasinunã. Mã haskakubainaiburã, haska nukũ mekẽ detsis mepanui nũ yamamis keska wakĩ matũ huĩtiwẽ mã xinã txakabuwai haki petxi hakimatã yamawarikãwẽ. Haska wakĩ mã Deus abukĩ haibu wakatsis ikaibu Deusũ matu haibu washanikiki.

Kashinawa : Diosun Jesúswen taexun yuba bena yiniki

⁸ Jaskaken tsuabunda Dios inun Satanás ja dabe chibankin man shinanchakaya matu yusinun ninkakanwen. Janun Dios shinan kayabikin jaibu kayabi wadikanwen, jadi jau matube jaibunain dasinunan. Man jaskakubainaibudan, jaska nukun meken detsis mepanui nun yamamis keska wakin matun juintiwen man shinan chakabuwai jaki pechi jakimatan yamawadikanwen. Jaska wakin man Dios bechipaikin jaibu wakatsis ikaibu Diosun matu jaibu waxanikiki.

Santiago 4:8 Кръстосани препратки

Salmos 24:4

Habu hikirã, habũ txakabu meisma inũ hatũ shinã pepa besti haya hikitirubuki. Ha inũ, habũ dami yushibubu duawakĩ kẽwaĩsbuma inũ hamapai tibikiri yubakai hamẽ txanitxakaisbuma hikitirubuki.

Salmos 51:10

Ẽ Deusuũ, ana ẽ huĩti bena shũpĩ ea wakĩ ẽ yushĩ bena wakĩ ana ea txĩtũtimawawe.

Salmos 73:13

Ẽ huĩti hawa txakabumabia ea hawa merabewamaki. Txakabu betsa betsapa mekĩ ẽ huĩti inũ ẽ mekẽ detsismabiakẽ

Salmos 73:28

Hakia earã, Deus anu ẽ kemaii. Ẽ hakiri haskakainairã, harã, peki. Mĩ ẽ shanẽ ibu Senhor Deusuũ, mĩ ea mekekĩ arumiski. Mĩ dasibi ea haska washũmis mikiri ẽ txanikaũkatsis ikaii.

Isaías 58:2

Ẽ hiwea bai unaĩ benima bestinũ ishũ shaba tibi mã ea benakubainaii, mae pepawẽ hiwea ikasi pepai inũ ẽ yunuti hãtxa txakabuwama kaneama ikasriairã. Ẽ yunuti kushipa pepa ea yukatã ea beparãkĩ ea uĩmai benimabirani ea anu bemisbuki.

Ezequiel 18:31

Ea sinatamakubaĩkĩ matũ txakabu haska mã akubainai henetã shinã pepa shinãkĩ yushĩ pepa bena bikubaĩkãwẽ. Tsua mã mawayamanũ, iwanã, ẽ betxipaiamawẽ taea Israelĩ enabuũ, kupia yumaĩ haskai mã mawashanai? Matũ txakabu hene keyutã hiwei perikubaĩkãwẽ, ẽ hawẽ taeshũ ẽ matu kupiyamashanunã. Ana txakabuwama hiwei pe bestikubaĩkãwẽ, akĩ ea Senhor Deusũ ẽ hãtxa txanima ẽ mestẽwaiĩ”, ikaya ẽ hatu yuishuniki, Israelĩ enaburã.

Malaquias 3:7

Haska matũ shenipabũ ẽ hãtxa henenibu keska wakĩ matũri ẽ yunuti hãtxa inũ ẽ nemati hãtxa henekĩ mã hawa txibãkatsi isbumaki. Ea ẽ Senhor Deus kushipahaira dasibi binuatũ ẽ matu yuiaii. Ea shinaĩ ea anu ana txĩtũbirãkãwẽ. Mã haskaibũ eari matu anu ẽ txĩtũriashanaii, matu ana mekekubainirã. Hakia matũ ea yukakĩ ‘Hawa wai mia anu nũ ana txĩtuaĩ?’ mã ikaya

Mateus 12:33

—Hi pepa bimiai hawẽ bimi txakabuismaki. Hamẽ hi txakabu bimiai hawẽ bimi pepaismariki. Haskawẽ taeshũ hawẽ bimi tibiwẽ hi mã unãmiski. Eãnã, ẽ pe yusĩkubaĩmiswẽ taeshũ Satanásã kuxipa ẽ hayamaki. Hakia Deusũ kuxipa ẽ haya ẽ pepaki.

Mateus 15:2

—Nukũ shenipabũ beya txibãkĩ piriama nũ mepanui taemiski. Haskakĩ mĩ tsumabũ nukũ shenipabũ beya txibãma mepanuama pikanimẽkaĩ?— akabu

Mateus 27:24

Pilatõs hãtxa hawa nĩkama ana keketikubainaibũ habũ xinã hatu mae wamatiruma Pilatõs unãkĩ hatu unãti wanũ, iwanã, hawẽ soldado yunua ũpash beshuã yurã kaiãnẽ berubi mepanukĩ hatu yuikĩ: —Na huni pepa ẽ hatu tenãmakatsi ikama matu unãmanũ ika ẽ mepanuaii. Matũ mã haska yunuai bestiwẽ taea mawatiruki— hatu wa

Hechos 15:9

Nukunã, nũ Jesus ikũwaĩbu Deusũ nukũ huĩti pepawamis keska wakĩ habũri Jesus ikũwaĩbu Deusũ hawa hatu danãma hawa nuku pashkakĩ betsa wama habiaskas xinã hatube nuku waikiki.

2 Coríntios 7:1

Ẽ betsabu inũ ẽ puibuũ, haskakẽ Deus nukuki hawẽ pepa yubakani hawẽ hãtxa nũ hayaki. Haskawẽ taeshũ nukũ yura inũ nukũ yushĩ mekei Deuski mesekĩ ana hawara txakabũ nuku atimapa watiru ana akama henetã pepai hawenas ikubainãkãwẽ. Haskai nũ hawama dasibi Deusunabu itirubuki.

1 Timóteo 2:8

Haska inũ, betsarã, hanishũra ikũwaĩbũ Deus kẽwãnũ ika itxa hunibu hau mexãtã Deusbe hãtxakubainũbũwẽ. Haskai Deusbe hãtxai haska bestiama haska Deusũ abuai benimawai besti hiwei hawa tsuki sinatama tsua ha akama hau pe besti meribi hiwekĩ hatu uĩmakubainũbũwẽ.

Hebreus 10:22

Haskawẽ taea nukuri Deusbe hãtxanũ ika nukũ xinã txakabũ nuku mekemis ana mekemama ũpashwẽ txuki keskatã nukũ huĩti shũpĩtã txanima kayabi ikũ kayabi wai Deusbe hãtxakubainãkãwẽ.

Hebreus 7:19

Deusũ Moisés yunua hawẽ hãtxa keneni txibãbiai hatũ nuku pepawatirumakẽ hawẽ shãtukũ betsa yunukĩ nuku hawẽ yuba bena pehaira wakĩ ha txibaĩ haki dasitã Deusũ enabu kayabibu nũ hiweshanũbũ nuku ashuniki.

Santiago 1:8

natiã hatũ hamapaikiri Deus yukabiatã haskas ikũwãkĩ xinãma pena betsatiã ana haskakiri yukaxina ikũwãkĩ mestẽwãmamarã.

Santiago 3:17

Hakia haska Deus anua huai haya hawẽ unãnepakĩ akirã, mã eskatirubuki. Matũ yura mã shanẽ ibubia matũ xinãwẽ shanẽ ibukiri xinãma hatu binukatsi ikama pe besti ikũkaini shabakabi mã hatu uĩmatirubuki. Ha dikabi duapai inũ, hatuwẽ nuikĩ betsabu hãtxai nemama nĩkamis inũ, daewanika inũ, betsabuwẽ nui merabenã bestimis inũ, beparameama dasibi hatu merabewamis inũ, txanima yui kayabimis inũ, yurabu paraĩsma inũ, Deus txibaĩ txĩtuãma inũ, pepas besti katui unãnepabu mã hiwetirubuki.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

1 Pedro 3:21

Hanushũ natiã Jesus mã ikũwãyã ha henewẽ Deusũ hatu kupini mã xinãyã habũ matu naximakĩ matũ yura detsis txukaisbumaki. Hakia nukũ txakabu Deusũ buatã nukũ xinã hau nuku pewashũkubainũ nuku imamisbuki. Hakia nukubu pashairã, Jesus Cristo besteni ha besti txibãkubaini nũ ishãkanaii.

1 João 3:3

Na haska dasibi hakiri xinãkĩ nũ manaiburã, nukũ xinã txakabu haki petxi nũ pepa bestikatsis ikĩ nũ benakanaii, Jesus Cristo pepani keskanũ ikarã.

1 Samuel 14:35

hanushũ ha dukũ tates taewabaĩkĩ Saulũ ibubis hawẽ kẽwãti txi tapu Senhor Deus ashũkĩ taewanikiaki.