Santiago 4:1 - Kaxinawá Bíblia (BR)

¹ Mã unaĩ ikai hanua hukĩ matu ha imakĩ hãtxawẽ hanubi txitenamemakĩ matu detenamemairã, haska kaĩkinã, matũ huĩti meranua kemu txakabu tashnikĩ matu imaikiki. Mã haskakũkainairã, xinãkãwẽ.

Kashinawa : Diosun Jesúswen taexun yuba bena yiniki

¹ Man unain ikai janua jukin matu ja imakin janchawen janubi chitenamemakin matu detenamemaidan, jaska kainkinan, matun juinti medanua kemu chakabu taxnikin matu imaikiki. Man jaskakunkainaidan, shinankanwen.

Santiago 4:1 Кръстосани препратки

Mateus 15:19

Hanua eska yurabu haya hatũ xinã uke merã aruabu txakabu xinãkĩ shabakabi tashnimamisbuki, eska tibi xinã meranua shabakabi kaĩkinã, huni betsaki yubakatã tenãkinã, huni betsã aĩ txutãkinã, shebi hayabu txutabaũkinã, yumetsuirã, txani txakairã, yura betsa ha akinã.

João 8:44

Mã haskawẽ taearã, matũ iburã, diabo Satanáski. Haska xinaĩ keska ashũkĩ mã abumamiski. Haska inũ, bai taeni anua diabo Satanás pubẽ detenã kaĩ taeni ikũkaĩmiski. Ha inũ, txanima hãtxa hayamawẽ taea txani txakakũkaĩriamiski. Ha inũ, txani txakanikawẽ taea txanĩ epaki.

Romanos 7:23

Haskabiakẽ ẽ akubainai uĩ txakabũ ea beshetã ea tsumawatã ẽ xinã kayabi nematã ea henekatsi ikamakẽ haska Jesus ẽ dayashunai ẽ pe besti xinãtiruma shabakabi ẽ unãkubainaii.

Romanos 7:5

Hanua nũ hiwei taeaitianã, hawẽ txakabu unãti Deusũ hawẽ yunuti inũ hawẽ nemati yununiki. Ha xinãkĩ nũ tapĩbiaya txakabu betsa betsapa nuku anua kemu tashniaiwẽ nũ txakabupauniki, haska hawẽ hiwetima txakabu mawa kayabiti besti birã.

Romanos 8:7

Ha inũ, tsuabũra Deus xinãma hawara hatũmebi hatũ xinãnẽs akatsis ikaibu haska txibãmisbu Deusũ hatu xinãma inũ Deuskiri xinãbumariki, haki petxiaburã. Habunã, Deusũ yusĩa txibãma inũ hawẽ yunua ashũtirubumariki.

Gálatas 5:17

Hakia hawara txakabu mã abuai Deusũ Yushĩ Pepatũ danãmiski. Haska inũ, hawara hawẽ Yushĩ Pepatũ abuai txakabũri danãriamiski. Ha dabe binunãnaĩbũ maturi pepapaikĩ haratura mã heneama mã kanemiski, ibubisrã.

Colosenses 3:5

Haskakẽ na mai anua matũ kemurã, tenãkĩ akawarikãwẽ, eska tibi Deusũ nemani heneirã. Ana aĩbu betsa tibiwẽ kemuama inũ, ana hamapai tibibe txutanamebaunama inũ, hawara kemu atimapa betsa betsapa mã akatsis ikai inũ, ana pei inũ mabu betsa itxawanũ, iwanã, yauxikĩ kẽwãti betsa keska wakĩ pei inũ mabuwẽ kemukĩ kẽwãyamakubaĩkãwẽ.

2 Timóteo 2:23

Ha dikabi, unaĩsmapabu kemanamei sinatanamemisbuwẽ taeshũ hatu nĩkayamakubaĩwẽ.

Tito 3:3

Nukurã, habiaskari hatu itsari nukũ xinã betsa wariama hiweshũ Deus txibã pewama benua keska nishũ hamapai betsa betsapa mei kemui txakabũ dayarui nũ mapupaunibuki. Haskai hiwea txakabui betsa hawara haya uĩ haska hayatima hawẽ kemui hatuki sinatai inũ abunameama hatu danaĩ inũ betsabube danãnanaĩnã.

Tito 3:9

Hakia Deusũ Moisés yusĩmaniwẽ taea hawẽ yunuti inũ hawẽ nemati inũ hatũ shenipabukiri hãtxai judeubu sinatai kemanamei tsua merabewatirumabia ha iki kũyã ikaibube hatube kemanamei haskayamakũkaĩwẽ, mia nĩkabumakenã.

Santiago 1:14

Deusũ haska yunuamabiakẽ ibubis hatũ xinãnẽ txakabu xinãkĩ haska abuai keska aki haki neshei txakabu beyakubaĩmisbuki.

Santiago 4:3

Ha inũ, hawarakiri Deus mã yukamiski. Hanushũ mã yukakĩ mã ea abia hawa mã bismaki, mã hamakiri yukatxakaiwẽ taeshunã, haskarã, haska Deusũ xinaĩ keska akatsi ikama haska matũmebi hawẽ beparamei ibubis benimai mã hamẽ txakawakatsi ikĩ hakiri xinaĩnã.

1 Pedro 1:14

Uatiã Deus unãriama txakabu abui mã txakabupaunibuki. Haskakẽ natiã Deusũ bakebui ana haska mã abupauni keska hiweama bake mixtĩbũ hatũ ibuã hãtxa nĩkatã txibãmisbu keska hiwekubaĩkãwẽ.

1 Pedro 2:11

Ẽ betsabu inũ ẽ puibuũ, ẽ matuwẽ nuikĩ yunuai ea nĩkakãwẽ. Mã txaikea huima mã ikũwãbumabe hiwea naxui ika keskaburã, ha yurabũ haska xinaĩ habũ kemu paewẽ matũ yushĩ atxishũ yabutã matu bika tenematirurã, haska abuama henekubaĩkãwẽ.

2 Pedro 2:18

Hawara hãtxakĩ yuiaibu hawẽrua kemutapabia hamẽki. Habũ dama ikũwãkĩ taewaxina mestẽriabuma ha txakabukiri yusĩkĩ txanima hãtxa hatu henemakanikiki, hatũ yura atimapa betsa betsapatikiri hatu yusĩtxakakinã.

2 Pedro 3:3

Na haska dasibi ẽ matuki txaniai mã bebũkiri unãtirubuki. Txanima hanu bari hawẽ henei ma kemaya yurabu hiwe txakashũ ibubis txakabu xinãkĩ mã ikũwaĩbu matuki kashei ẽ hẽ ibiai