Santiago 3:9 - Kaxinawá Bíblia (BR)

^9-10 Ha inũ, hãtxakĩ habias hanawẽ nukũ Shanẽ Ibu Epa Deus pe yuikĩ kẽwãbiatã yurabu ha itsa wakĩ dami wanirã, habias keshawẽ hatuki shetxakakĩ nũ hatu yupumiski. Ẽ betsabu inũ ẽ puibuũ, nũ ana haskatirubumaki. Xinaĩrakubaĩkãwẽ.

Kashinawa : Diosun Jesúswen taexun yuba bena yiniki

^9-10 Ja inun, janchakin jabias janawen nukun Xanen Ibu Epa Dios pe yuikin kenwanbiatan yudabu ja itsa wakin dami wanidan, jabias kexawen jatuki xechakakin nun jatu yupumiski. En betsabu inun en puibuun, nun ana jaskatidubumaki. Shinaindakubainkanwen.

Santiago 3:9 Кръстосани препратки

Gênesis 5:1

Ha dukũ huni Adão inũ hawenabu hiwei taei eskakubainibukiaki. Deusũ yurabu damiwakĩ hawẽ yushĩ itsa ha keska huni inũ aĩbu hatu damiwanikiaki. Haska washũ hatu kenakĩ yuikĩ: “Yurabuki, huni inũ aĩburã”, akimashũ hatu merabewakubainikiaki, duawakinã.

2 Samuel 16:5

hanua Davi ana kai mae betsa hawẽ kena Baurim daĩbainaya huni betsa Saulũ enabu Gerã bake hawẽ kena Simei ha bebũ tashnikirã hawenabu inũ hawẽ tsumabu detenamenikabũ Davi mekebiabũ hãtxa txakabuwakĩ itxakĩ

2 Samuel 19:21

hanushũ Davĩ pui Zeruiã huni bake Abisaĩ Davi yuiriakĩ: —Mĩ nukũ shanẽ ibuhaira Senhor Deusũ katuni Simeĩ yupukĩ mia atimapa waimawẽ taea ikis na habiatiã hau mawanũwẽ— ikaya

Salmos 16:9

Haskawẽ taeshũ ẽ huĩti ukemerã shinã txãkãhairai ẽ benimahairaii. Hawa dateama ẽ mia hiweshũkũkainaii.

Salmos 34:1

Bari betsa tukama Senhor Deus kẽwãkĩ duawakinã, ẽ heneama ikũkainaii.

Salmos 51:14

Ẽ Deusuũ, ẽ Deusuũ, ẽ txakabu mĩ ea piskumamiski. Huni betsa ẽ hune tenaĩmarã, haska keska ẽ ana ayamanũ ea nemawe. Mĩ haska nemakubaĩkĩ hawa kaneismawẽ taea mĩ pepakiri kãtai ẽ txanikũkaĩshanaii.

Salmos 63:4

Hiweyukũkaĩkĩ ẽ mia duawakubainaii. Mikiri ẽ mekẽ meshã ẽ mibe hãtxakũkainaii.

Mateus 26:74

hanushũ Pedrõ hatu ana parãkĩ yuikĩ: —Ha huni mã yuiairã, ẽ ha unãmahairaki. Ẽ txani txakayarã, hau Deusũ ea kupinũwẽ— hatu waya hakimamari takara keuai

Mateus 5:44

Hakia eãnã, hãtxa betsawẽ ẽ matu yusĩaiĩ. Matuki sinataibu hatuki sinatama hatuwẽ nuikubaĩshãkãwẽ. Ha inũ, matu itxaibu inũ matu itxakawaibu hatu danãma merabewakĩ hau Deusũ hatu duawanũ yukashũkubaĩshãkãwẽ.

Hechos 2:26

Haskawẽ taea huĩti xinã txãkaĩ benimai nawakĩ kẽwãkĩ heneama ẽ hiwea dasibiwẽ ikũwaĩ hawa dateama ẽ ikũkaĩshanaii.

Romanos 3:14

Hawẽ hashpawẽ yupukunaĩ kũyã imiski.

1 Coríntios 11:7

Hamẽ hunirã, hawawẽ hawẽ bushka mayabukutirubumaki, Deusũ huni ha dukũ damiwakĩ hawẽ kuxipa unãti wati ha itsa Deusũ huni waniwẽ taearã. Hakia aĩburã, hunibu itsa Deusũ hatu waniki, hau hawẽ benẽ kuxipayakĩ duawanũbunã.

Efésios 1:3

Nukũ Shanẽ Ibu Jesus Cristõ Epa Deus kẽwãkubainãkãwẽ, Deusũ bake Cristo nũ ikũwaĩbuwẽ taeshũ naiurishũ hawẽ pepawẽ nuku manakukĩ Deusũ hawẽ bakewẽ hamapai tibi pepa nũ uĩaĩ inũ nũ uĩyama hawẽ xinã txãkãmati yushĩ nuku inãkubainaiwẽ taeshunã.

Santiago 1:27

Hakia tsuabũra txanima Deus hiwea kẽwã kayabikĩ nũ akaiburã, nũ eska itirubuki. Matu yuinũ nĩkairakãwẽ. Nũ pepa hawa txakabuma ikatsis ikairã, nukũ Epa Deus benimawakĩ eska uĩmakubaĩkãwẽ. Bake ibuumabu inũ, aĩbuaibu hatũ bene ana hayabuma nuitapaibu habuwẽ nuikĩ habũ hawara bishũkĩ hatu merabewakubaĩkãwẽ. Ha inũ, hamapai yurabũ akai txibaĩ kemui irumapayamakubaĩkãwẽ.

1 Pedro 1:3

Nũ hawẽ bakebus pepawẽ nuku kupia nũ habe hiweshanũbũ nukũ Shanẽ Ibu Jesus Cristo nukuwẽ nuihairaya Deusũ ana bestẽwãkĩ nuku bake kaĩ bena keskati waniki, ha xinãkĩ hiwea ikibi ika betsa ha manakai hiweti nuku inãkinã. Haskawẽ taeshũ nukũ Shanẽ Ibu Jesus Cristõ mekenika Deus, hawẽ Eparã, kẽwãriakubainãkãwẽ.