Santiago 2:10 - Kaxinawá Bíblia (BR)

¹⁰ Tsuãra dasibi Deusũ yusĩa txibãkatsis ibiakĩ hakia yusĩa bestitxai txibãma kanekĩ dasibi ha Deusũ Moisés yununi inũ nemani mã ma habiati txakabuwaki, matũ yura hawawẽ shushati hayamairã.

Kashinawa : Diosun Jesúswen taexun yuba bena yiniki

¹⁰ Tsuanda dasibi Diosun yusian chibankatsis ibiakin jakia yusian bestichai chibanma kanekin dasibi ja Diosun Moisés yununi inun nemani man ma jabiati chakabuwaki, matun yuda jawawen xuxati jayamaidan.

Santiago 2:10 Кръстосани препратки

Gálatas 3:10

Hanushũ Deusũ hãtxakiri hawenabu Moisés yuikĩ: “Hawẽ yunuti inũ hawẽ nemati ẽ matu keneshunai tsuabũra dasibi txibãhairabumakẽ Deusũ hatu yupukĩ pe hiwemama ishanikiki”, haska watã hatu keneshuniwẽ taea txibãmabia hatũmebi pepapaikĩ hawẽ yunuti inũ hawẽ nemati txibãpaikĩ pewabumakẽ Deus hatuki sinatamakĩ yupushanikiki.

Gálatas 5:3

Ana matu shabakabi yuinũ ea nĩkakãwẽ. Tsuabura judeubũ hatũ beya matu txibãmanũ, iwanã, Moisés yusĩniwẽ matu nĩkamas kemumakĩ matũ hina kubitxi matu meshtemaiburã, haska Moisés yununi inũ nemani mã hawẽ pepakatsis ikairã, hatubetã haska besti menekĩ txibãkubaĩkãwẽ.

Santiago 3:2

Dasibibunã, nũ kanehairamisbuki. Haskakenã, tsuabũra hãtxa txakabu yui shetxakakĩ kanekatsis ikama hawẽ yura mekekĩ hamapai tibi xinãkĩ hawẽ xinã meke pewatã hawẽ hiwea kayatapĩbaĩtirubuki.

2 Pedro 1:10

Ẽ betsabu inũ ẽ puibuũ, Deusũ matu kenashũ katutã hawena meribis matu wakatsis iniki. Mã hawenabu heneama ikatsis ikaiburã, txanima ikũwaĩ mã haki nukukatsis ikai matũ xinã mestẽtã ikubaĩkãwẽ. Haska tibi ẽ matu yunuai keskairã, mã haskakubainaiburã, babui txakabuwẽ taea kanei mã txĩtuãma ishãkanaii.

Judas 1:24

Nukũ Epa Deus ha besti nukũ merabenã yushĩ dasibi kuxipa hayatũ matu kuxipa wakĩ matũ xinã txakabũ ana matu kanematiru nemashũkubainaya hawẽ bake shanẽ ibuhaira huaya yura dasibibu unãkĩ hatu kupiaitiã maturi ha bebũ hawa txakabu mã hayama hawẽ besuuri matu nitxĩtã benima pae matu inãyã mã benimahairashanaii. Haskakẽ nukũ Shanẽ Ibu Jesus Cristowẽ taeshũ Epa Deus duapa pepa inũ, hatũ besti kuxipa binu keyua inũ, yunuti kuxipa pae hayahaira iki taeni inũ natiã haya inũ ipashanai haya kẽwãkubainãkãwẽ, heneamarã. Haskakirã. Hatiki, ẽ hãtxarã. Judas